ડિજિટલ ગર્લ કેમ્પેઇન:મોબાઈલ ખોવાઈ જાય તો ગુગલ પરથી રિંગ વગાડી શોધી શકાય છે

આજના યુગમાં જ્યાં એક તરફ ઈન્ટરનેટ યુઝર્સની સંખ્યા દિવસેને દિવસે વધતી જાય છે ત્યાં બીજી તરફ ભારતમાં હજુ પણ ઈન્ટરનેટ વાપરવામાં વિશ્વની એવરેજ સંખ્યા કરતા ઘણી પાછળ છે. એક સર્વે મુજબ ગ્લોબલ ઈન્ટરનેટ યુઝર્સ 56% પુરુષ છે જ્યારે 44% મહિલાઓ છે. તેમજ ભારતમાં ઈન્ટરનેટ યુઝર્સ 71% પુરુષ છે અને 29% મહિલા છે. મહિલા સોશિયલ મીડિયા યુઝર્સ ડેટા પણ ભારતમાં શરમજનક પરિસ્થિતિમાં છે. છોકરીઓ અને મહિલાઓ સોશિયલ મીડિયાનો સાચો ઉપયોગ કરે અને ઈન્ટરનેટના માધ્યમ થકી પ્રોફેશનલ ગ્રોથ કરે તે ઉદ્દેશથી શહેરની એક સંસ્થા દ્વારા "ડિજિટલ ગર્લ' કેમ્પેઇન હેઠળ સેમિનારનું આયોજન કરવામાં આવ્યું હતું. જેમાં સિદ્ધિ જૈન અને રેશમા રોહીડાએ વાત કરી હતી.

તમારા સોશિયલ મિડીયાની સિક્યોરિટી માટે આટલું કરો
2 સ્ટેપ વેરિફિકેશન
ગુગલમાં લોગઈન કરવા માટે દરેક છોકરીઓએ 2 સ્ટેપ વેરિફીકેશન ઓન રાખવું જોઈએ.

ફાઈન્ડ યોર ફોન
જો ફોન ખોવાઈ જાય તો ગુગલ પરથી રિંગ વગાડીને શોધી શકાય છે અથવા ફોનનો ડેટા ફોન રીસેટ કરીને ડિલીટ કરી શકાય છે.

ડીલીટ એક્ટિવિટી
જો પાસવર્ડ હેક થાય એવું લાગે તો ડિલીટ એક્ટિવિટી વિકલ્પથી બ્રાઉઝીંગ હિસ્ટ્રી ડિલીટ કરી દેવી જોઈએ.

રેકગનાઈઝ્ડ લોગીન
સમયાંતરે કયા ડિવાઇસ પરથી લોગીન થયું છે તે જોવું અને જો અજાણ્યું ડિવાઈસ હોય તો તે ડિવાઈસમાંથી લોગ આઉટ કરી દેવું.

સોશિયલ મિડીયા સિક્યોરિટી અને લોગીન
સોશિયલ મીડિયા પર 3 જણાને નોમિનેટ કરવા. જો એકાઉન્ટ લોક થઈ જાય તો નોમિનેટેડ પ્રોફાઈલ પરથી લોગીન કરી શકાશે.