આદેશ:હોટલ-સ્કૂલોએ સ્વચ્છતા સર્વેક્ષણના બેનરો મૂકવા પડશે,પાલિકાનું ફરમાન

સ્વચ્છતા સર્વેક્ષણ-21 માટે પાલિકાએ દબાણો દૂર કરવા નોડલ ઓફિસરને જવાબદારી સોંપાઈ છે સાફસફાઇ, બ્યુટિફિકેશન, ફિડબેક મેળવવા ક્વાયત વધારી દેવાઈ છે. હોટલ-રેસ્ટોરન્ટ,શાળા-કોલેજો પાસે પોતાના સૌજન્યથી સ્વચ્છતા સર્વેક્ષણ-21 ના બોર્ડ મુકવા આદેશ અપાયા છે. શહેરમાં રોડ, ફુટપાથ, બ્રિજ નીચે તેમજ અન્ય સ્થળો પર રખાતા બિલ્ડીંગ મટીરીયલ્સ માટે દરેક ઝોનમાં નોડલ અધિકારીની નિમણુંક કરાઇ છે.

સ્મીમેરના પર્સોનલ ઓફિસર એચ.ભાવસારને એસએસ-21 માટેે એન્ક્રોચમેન્ટ દૂર કરવા નોડલ ઓફિસર તરીકે નક્કી કરાયા છે. એટલું જ નહી કમિશ્નરે સ્વચ્છતા સર્વેક્ષણની ટીમ પસાર થનાર હોય તે વિસ્તારોમાં ઝાડ-ટ્રી પર સ્વચ્છ સર્વેક્ષણ-2021ના પેઇન્ટીંગ બેનરો મુકવા, તથા શાકમાર્કેટો, જાહેર સ્થાનો પર સર્વેક્ષણનો પ્રચાર અને ફિડબેક કરાવવા સુચના અપાઈ છે.