ઓપરેશન લોટસ:નીતિન દેશમુખે કહ્યું, ‘સુરતમાં ગુજરાત પોલીસે મારી સાથે મારપીટ કરી’, પોલીસે કહ્યું - દેશમુખ એટલા નશામાં હતા કે નાછૂટકે સૂવડાવી દેવા પડ્યા!

સુરત12 દિવસ પહેલા
  • કૉપી લિંક
  • શહેરની લા મેરિડિયન હોટલમાં સોમવારે રાત્રે સુરત ભાજપે કેવી ભૂમિકા નિભાવી એની ઇનસાઇડ સ્ટોરી
  • મુંબઈ જતા ધારાસભ્ય સુહાસ કાંદેને નવસારી પાસેથી પરત લઈ આવી ઇન્જેક્શન અપાયું

શિવસેનાના એકનાથ શિંદે સહિતના 35 થી વધુ બાગી ધારાસભ્યોને ડુમસ રોડની લી-મેરિડિયન હોટલમાં રોકાવાથી લઇ ગુવાહાટી મોકલવા સુધીની તમામ વ્યવસ્થા ગુપ્તરાહે ભાજપે જ કરી હોવાની માહિતી સાંપડી છે. સોમવારે રાત્રે લા-મેરિડિયન હોટલમાં પ્રદેશ પ્રમુખ સી.આર.પાટીલે પણ રાત્રિ રોકાણ કર્યું હતું. બાગી ધારાસભ્યો માટે તમામ વ્યવસ્થા ભાજપના સ્થાનિક નેતા સાથે પાલિકાના 3 પદાધિકારીને જવાબદારી સોંપવામાં આવી હતી.

બહાર કડક પોલીસ બંદોબસ્ત મૂકાયો હતો. સોમવારે રાતે 8 વાગ્યાથી ધારાસભ્યો આવવાના શરૂ થઇ ગયા હતા. એકનાથ શિંદે 40થી વધુ ખાનગી સિક્યુરીટી સાથે હોટલ પર આવ્યા હતા. મોડીરાત સુધીમાં 35 ધારાસભ્યો આવી ગયા હતા. ધારાસભ્યો બહાર ન જાય તે માટે હોટલની માત્ર 1 જ લીફટ ચાલુ રખાઇ. મોડી રાતે નીતિન દેશમુખમને રૂમમાં જવા પોલીસ તથા ભાજપના નેતાઓએ સમજાવતા તેમણે ગાળો ભાંડી હતી.

એક અધિકારીને મારવા સુધીની ધમકી આપી હતી. મંગળવારે હોટલમાં હાજર ભાજપના નેતાઓને પ્રદેશ લેવલથી ધારાસભ્યોને ગુવાહાટી ખસેડવા સુચના મળતા તમામ વ્યવસ્થા કરાઇ હતી. બીજીતરફ નીતિન દેશમુખે મીડિયામાં નિવેદન આપ્યું હતું કે, ગુજરાત પોલીસે તેમની સાથે મારપીટ કરી છે તો સામે પોલીસ અધિકારીએ જણાવ્યું કે, તેઓ એટલા નશામાં હતા કે ઘેનનું ઈન્જેક્શન આપીને સૂવડાવી દેવા પડ્યા હતા.

ધારાસભ્ય નીતિન દેશમુખની પત્ની પ્રાંજલીએ પોલીસ સ્ટેશનમાં ફરિયાદ નોંધાવી હતી કે તેનો પતિ ગુમ છે અને ફોન ઉપાડતા નથી. તેમને જીવનું જોખમ હોવાની વાત પણ કહી હતી.
ધારાસભ્ય નીતિન દેશમુખની પત્ની પ્રાંજલીએ પોલીસ સ્ટેશનમાં ફરિયાદ નોંધાવી હતી કે તેનો પતિ ગુમ છે અને ફોન ઉપાડતા નથી. તેમને જીવનું જોખમ હોવાની વાત પણ કહી હતી.

સોમવારની રાત્રે શું શું થયું

  • સુરત ભાજપના નેતાઓએ સમગ્ર વ્યવસ્થા કરી હતી
  • હોટલના રૂમ બુક કરાવી આપ્યા હતા
  • સી.આર.પાટીલ પણ રાત્રે હોટલમાં ગયા હતા
  • ધારાસભ્યોને રોકવા ધારાસભ્યદીઠ પોલીસ હતી
  • હોટલની 1 સિવાય બાકીની લિફટ બંધ કરાઈ હતી
  • હોટલના ધાબા, કેમ્પસ, દરેક ફલોર પર પોલીસ હતી
  • ઘણાખરા ધારાસભ્યો નશામાં હોટલ પહોંચ્યા હતા
  • નિતીન દેશમુખે ચિક્કાર નશામાં પોલીસ-ભાજપના નેતા સાથે માથાકૂટ કરી, આખી રાત ધમાલ મચાવતા ઘેનનું ઇન્જેકશન આપી સુવડાવ્યા હતા
  • હોટલથી મુંબઇ જવા નિકળેલા સુહાસ કાંદેને નવસારીથી સમજાવી પરત લવાયા હતા
  • કાંદેને પણ ઘેનનું ઇન્જેકશન અપાયું હોવાની ચર્ચા.
મંગળવારે મધરાતે ગુવાહાટી જવા માટે તૈયારી કરી રહેલા એકનાથ શિંદેને મીડિયાએ ઘેરો ઘાલ્યો હતો.
મંગળવારે મધરાતે ગુવાહાટી જવા માટે તૈયારી કરી રહેલા એકનાથ શિંદેને મીડિયાએ ઘેરો ઘાલ્યો હતો.

બુધવારે વધુ 3 ધારાસભ્ય ગુવાહાટી પહોંચ્યા, કુલ 37 ધારાસભ્ય સહિત 87
સુરત એરપોર્ટથી ચાર્ડર ફ્લાઇટમાં ત્રણ ધારાસભ્ય સહિત છ લોકો ગુવાહાટી ગયા હતા. જેમાં ચંદ્રકાંત પાટીલ, યોગેશ કદમ, મંજુલા ગઠવી, ગોપાલ ગઠવી અને ગઠવી સહિતના પાંચેક સભ્યો હતા. જો કે, તેમને પગલે પોલીસ અધિકારીઓનો ફાફલો સુરત એરપોર્ટ પર પહોંચી ગયો હતો. સુરતથી મંગળવારે મધરાતે 37 ધારાસભ્યો સહિત 87 લોકો ચાર્ટર્ડ ફ્લાઇટ મારફત ગુવાહાટી પહોંચ્યા હતા.

અન્ય સમાચારો પણ છે...