એજ્યુકેશન:વર્ષ 2022થી નેકમાં 2.5 CGPAથી ઓછો સ્કોર થશે તો કોલેજ અને યુનિવર્સિટીને બંધ કરવાની નોબત આવશે

વર્ષ 2022થી નેકમાં કોઈ પણ યુનિવર્સિટી કે કોલેજ 2.5 સીજીપીએથી ઓછો સ્કોર મેળવશે તો તેને બંધ કરવાની ફરજ પડશે. યુજીસી સચિવ ડો. રજનીશ જૈૈને યુનિવર્સિટીની સાથે કોલેજોને પત્ર લખીને જણાવ્યું છે કે યુજીસી (મેન્ડેટરી એસેસમેન્ટ એન્ડ એક્રેડિટેશન ઓફ હાયર એજ્યુકેશન ઇન્સ્ટિટ્યૂટ) રેગ્યુલેશન 2012 મુજબ ઉચ્ચ શૈક્ષણિક સંસ્થાઓ માટે નેકની માન્યતા અનિવાર્ય કરાઇ છે. આ ઉપરાંત દર 6વર્ષે સંસ્થાએ માન્યતા લેવી પડશે.

ઉચ્ચ શિક્ષણમાં સુધારો લાવવા દરેક કોલેજ અને યુનિવર્સિટીએ નેકમાં 2.5નો સ્કોર કરવો ફરજિયાત રહેશે અન્યથા તે સંસ્થા બંધ કરી દેવી પડશે. નર્મદ યુનિવર્સિટીની સરકારી અને ગ્રાન્ટેડ મળી 145 કોલેજ નેક એક્રિડેશનમાં ભાગ લેતી નથી. હવે નેકને ફોટા સહિતના પુરાવા સાથે SSR અને AQR રિપોર્ટ ઓનલાઇન મોકલવાનો રહેશે.