રાહત:એન્ટવર્પની ઓફિસ ખુલતા ચાર કિલો રફ હીરા સુરત આયાત થયા, રફની આયાત થતા જ હીરા વેપારને ગતી મળવાના એંધાણ

એન્ટવર્પની હીરાની ઓફિસ ખૂલ્યા પછી એન્ટવર્પથી વાયા હોંગકોંગ થઇને મુંબઇ એરપોર્ટ પર રફના 20 પાર્સલ આયાત કરાયા હતા. જેમાંથી ચાર કિલો રફ હીરા સ્પાઇસ જેટની સ્પાઇસ એક્સપ્રેસથી સુરત લવાયા હતા. આમ, રફની આયાત થતા જ હીરા વેપારને ગતી મળવાના એંધાણ છે.  હોંગકોંગ અને એન્ટવર્પમાં હીરાની ઓફિસો ખૂલી છે. તે સાથે હોંગકોંગના હીરા વેપારી પોલિશ્ડનું ઇમ્પોર્ટ કરતા સુરત તથા મુંબઇના હીરા વેપારને ગતી મળી છે.
લોકડાઉન બાદ વેપારમાં ગતી જોવા મળશે
છેલ્લાં ચાર જ દિવસમાં એન્ટવર્પથી વાયા હોંગકોંગ થઈને મુંબઇ એરપોર્ટ પર કોરોડોના હીરાના 20 પાર્સલ ઇમ્પોર્ટ થયા છે. તે સાથે રફ આવતા આગામી દિવસમાં લોકડાઉન ખૂલ્યા બાદ સુરતના હીરા વેપારને વેગ મળવાના એંધાણ છે  - દિનેશ નાવડીયા, રિજનલ ચેરમેન, જીજેઈપીસી