રહસ્ય:સુરતના રાંદેરમાં બોલાચાલી બાદ મિત્રની લાત મારતાં યુવકનું મોત, પરિવારે મોતનું કારણ જાણવા ફોરેન્સિક પીએમની માંગ કરી

રાંદેરના ઉગત ગામમાં બે મિત્રો વચ્ચે થયેલી બોલાચાલી થયા બાદ મિત્રએ મિત્રને લાત મારતા મોત નીપજ્યું હોવાનો બનાવ સામે આવ્યો છે. મૃતક રાહુલ પટેલ રામા પેપર મિલનો કર્મચારી હોવાનું જાણવા મળ્યું છે. બાળપણમાં માતા-પિતાના મૃત્યુ બાદ રાહુલ નાના ભાઈ સાથે કાકાને ત્યાં રહેતો હતો. માર્ચમાં રાહુલના લગ્ન કરવાની વાત કરતા કાકા હસમુખભાઈએ ભત્રિજાના મોતનું ચોક્કસ કારણ જાણવા ફોરેન્સિક પોસ્ટ મોર્ટમની માંગ કરી છે.હાલ સમગ્ર મોતને લઈને પોલીસ વધુ તપાસ હાથ ધરી છે.

યુવક ભાઈ સાથે હળપતિવાસમાં રહેતો હતો
રાહુલકુમાર મનોજભાઇ પટેલ (ઉ.વ.આ. 32) રહે. હળપતિવાસ ઉગતગામ રાંદેરના માર્ચમાં લગ્ન કરવાની વાત ચાલતી હતી. બાળપણમાં જ માતા-પિતાના મૃત્યુ બાદ રાહુલ નાના ભાઈ સાથે કાકા હસમુખભાઈ પટેલ સાથે રહેતો હતો. કાકા હસમુખભાઈ દુબઈમાં નોકરી કરે છે.વારંવાર વિદેશ જતા રહેતા કાકાને લઈ રાહુલ આખરે હળપતિવાસમાં 6 મહિનાથી રહેવા આવી ગયો હતો.

મિત્રએ આવેશમાં લાત માર્યા બાદ મોત થયું
ઘર નજીક ચાલતા જુગાર ધામ પર મિત્રો સાથે ઉભો હતો ત્યારે કોઈ વાત પર ભાવેશ સાથે બોલાચાલી થઈ હતી.ભાવેશે આવેશમાં આવી રાહુલને લાત મારતા રાહુલ જમીન પર પડી ગયા બાદ ઉભો ન થયો હતો. મિત્રો તાત્કાલિક સારવાર માટે ખાનગી હોસ્પિટલમાં લઈ ગયા હતાં. જ્યાં યુવકને મૃત જાહેર કરાયો હતો.રાત્રે 11:10 ની ઘટના બાદ કાકા હસમુખભાઈને જાણ કરાઈ હતી.જેથી કાકાએ રાહુલની મોત નું કારણ જાણવા પોલીસે ફોરેન્સિક પોસ્ટ મોર્ટમની દિશા માં કામગીરી હાથ ધરી છે. રાહુલના ઝઘડા અને મોત બાદ ભાવે નાસી ગયો હોવાની વાત સામે આવી છે.