નિર્ણય:ઓગસ્ટ ક્રાંતિ સહિતની 11 ટ્રેનોમાં એકસ્ટ્રા કોચ જોડાશે

મુસાફરોની માંગને પહોંચી વળવા રેલવે અસ્થાયીરૂપે 11 ટ્રેનોમાં વધારાના કોચ જોડશે. ઓગસ્ટ ક્રાંતિ રાજધાનીને મુંબઈ સેન્ટ્રલથી તાત્કાલિક અસરથી 15 મે સુધી અને હઝરત નિઝામુદ્દીનથી 16 મે સુધી વધારાના એસી 3-ટાયર કોચ સાથે દોડાવાશે. દુરંતોને મુંબઈ સેન્ટ્રલથી 13 મે સુધી તાત્કાલિક અસરથી અને નવી દિલ્હીથી 14 મે સુધી વધારાના એસી 3-ટાયર કોચ સાથે દોડાવાશે.

અમદાવાદ – નવી દિલ્હી રાજધાનીને અમદાવાદથી તાત્કાલિક અસરથી 30 મે સુધી અને નવી દિલ્હીથી 1 જૂન સુધી તાત્કાલિક અસરથી વધારાના એસી 3-ટાયર કોચ સાથે દોડાવાશે. હાપા-માર્ગો એક્સપ્રેસમાં 4થી 25 મે સુધી (18 સિવાય) હાપાથી અને 6થી 27 મે સુધી (20 સિવાય) વધારાના સ્લીપર કોચ ઉમેરાશે. જામનગર-તિરુનેલવેલીમાં તાત્કાલીક અસરથી જામનગરથી 28 મે સુધી વધારા કોચ સાથે દોડાવાશે. આ ઉપરાંત અમદાવાદથી 6 ટ્રેનોમાં પણ કોચ ઉમેરવા નિર્ણય કરવામાં આવ્યો છે.