તપાસ:પોલીસ મુંબઈ જાય તે પૂર્વે ડ્રગ્સ માફીયા મહેંદી ઝૈદ ફરાર

સોદાગરવાડમાંથી 12 દિવસ પહેલા પિતા-પુત્રને ક્રાઇમબ્રાંચે 13.30 લાખના એમડી ડ્રગ્સ સાથે પકડી પાડ્યા હતા. એમડી ડ્રગ્સ આરોપી સલમાન ડોબીવાલા મુંબઈ સાકીનાકા પેનનસુલા હોટેલની ગલીમાં રહેતા મહેંદી ઉર્ફે મોહંમદ ઝૈદ પાસેથી લઈ આવતો હતો.

આથી ક્રાઇમબ્રાંચની ટીમ મુંબઈ ખાતે મહેંદી ઝૈદને શોધવા માટે ગઈ તે પહેલા જ રૂમ ખાલી કરી ફરાર થયો છે. પોલીસની ગંધ આવી ગઈ હોય એવી આશંકા લાગે છે. મહેંદી ઝૈદ છેલ્લા બે મહિનાથી મુંબઈમાં ભાડાની રૂમમાં રહેતો હતો.જેનો ભાડા કરાર મહિલાના નામે હતો. મહેંદી સાથે એક મહિલા પણ રહેતી હતી અને તે મહિલા મહેંદીને પોતાનો ભાણીયો હોવાની વાત આજુબાજુના સ્થાનિકોને વાત કરી હતી. મહેંદી સુધી પહોંચવા પોલીસે પહેલા મહિલાને શોધી રહી છે.