છેતરપિંડી:સુરતના વરાછામાં હીરા કારખાનાના મેનેજરે ઠગાઈ કરી, 9.37 લાખના હીરા સગેવગે કરી નાખ્યા

વરાછામાં હીરાના કારખાનામાં નોકરી કરતા બે મેનેજરોએ 9.38 લાખ રૂપિયાના હીરા ગુમ કરી દેતા તેમના વિરુદ્ધ ગુનો દાખલ કરાયો છે.સૂત્રોના જણાવ્યા અનુસાર કતારગામમાં સિલ્વર સ્ટોન રીવર ખાતે રહેતા પંકજ કલ્યાણ જાસોલિયા હીરાનો વ્યવસાય કરે છે. વરાછા મિનિબજારમાં ડાયમન્ડ વર્લ્ડમાં તેમનું ખાતું છે.

તેમના ત્યાં આરોપી રાજેશ ઉર્ફ રાજુ ભીમજી લખાણી અને પંકજ પ્રાગજી જોઈસર મેનેજર તરીકે નોકરી કરે છે. બંનેએ ખાતામાંતી 9.37 લાખ રૂપિયાની કિંમતના હીરા ગુમ કરી નાખ્યા હતા. બંને વિરુદ્ધ વરાછા પોલીસ સ્ટેશનમાં ફરિયાદ નોંધાઈ છે.

પોલીસમાં ફરિયાદ દાખલ કરાવાઈ
પોલીસના જણાવ્યા મુજબ કતારગામ હાથી મંદિર રોડ સિલ્વર સ્ટોન રીવરમાં રહેતા મૂળ ભાવનગરના પંકજભાઈ કલ્યાણભાઈ જાસોલીયા (ઉ.વ.36) હીરાના વ્યવસાય સાથે સંકળાયેલા છે અને વરાછા મીનીબજાર પાસે ડાયમંડ વર્લ્ડમાં બીજા માળે હીરાનું કારખાનું ધરાવે છે. પંકજભાઈએ ગઈકાલે તેના કારખાનામાં મેનેજર રાજેશ ઉર્ફે રાજુ ભીમજી લકાણી (રહે, ચિત્રકુટ ઍપાર્ટમેન્ટ પાસોદરા કામરેજ) અને પંકજ પ્રાગજી જાઈસર (રહે, દશરથનગર સોસાયટી વડવાળા સર્કલ કાપોદ્રા) સામે ફરિયાદ નોંધાવી હતી.

9.37 લાખના હીરા ગૂમ કર્યા
ફરિયાદમાં પંકજભાઈઍ જણાવ્યું હતું કે, આરોપીઓએ એકબીજાની મદદથી હીરાના આપેલા પાંચ પેકેટમાંથી ડી-1. ડી-2 અને એન-1 વાળા હીરાના ત્રણ પેકેટ જેની કિંમત રૂપિયા 9.37લાખ થાય છે.આ હીરાના પેકેટ સગેવગે કરી નાંખી છેતરપિંડી કરી હતી. પોલીસે પંકજભાઈ જાસોલીયાની ફરિયાદ લઈ આરોપીઓ સામે ગુનો દાખલ કરી તપાસ હાથ ધરી છે.