ક્રાઇમ:મકાનના કબજા મુદ્દે દેરાણીએ જેઠાણીને જ બચકું ભરી લીધું

કતારગામમાં મકાન ખાલી કરવાના મુદ્દે દેરાણી-જેઠાણી વચ્ચે મારામારી થઈ હતી. દેરાણીને જેઠાણીને નખોરિયા મારીને બચકું ભરી લીધું હતું. દેરાણી-જેઠાણીએ સામસામી ફરિયાદ નોંધાવી છે. કતારગામમાં વેડરોડ પર બહુચરનગરમાં રહેતી સુરેશ રાઠોડ તેની પત્ની હંસાબેન અને દિકરી સાથે રહે છે. મંગળવારે હંસાબેનનો દિયર દિનેશ અને દેરાણી દર્શના તેમજ દિનેશના સાસુ-સસરા આવ્યા હતા.

દિનેશે સુરેશ અને તેની પત્નીને કહ્યું કે તમારા ફ્લેટમાં રહેવા જાવો, સુરેશે કહ્યું કે ફ્લેટમાં હજી કામ ચાલે છે,હંસાએ બે દિવસમાં પોતાના ફ્લેટમાં ચાલ્યા જઈશું ત્યાર સુધી રહેવા દો એવું કહેતા દર્શનાએ અત્યારે જ મકાન ખાલી કરો એવું કહ્યું.તેથી બંને વચ્ચે ઝગડો થયો હતો. દર્શનાએ હંસાને નખોરિયાઓ મારી દીધા હતા તેમજ ડાબા હાથે બચકું ભરી લીધું હતું.હંસાએ દર્શના-દિનેશ તેમજ દિનેશના સાસુ-સસરા વિરુદ્ધ ફરિયાદ નોંધાવી છે. સામે દર્શનાએ પણ જેઠાણી હંસાબેન વિરુદ્ધ કતારગામ પોલીસમાં ફરિયાદ નોંધાવી છે. સામા પક્ષે હંસાએ પણ દર્શના સાથે ઝગડો કરી દર્શનાની માતાને તમાચા મારીને હાથપગ તોડાવી દેવાની ધમકી આપી હતી.જેથી ફરિયાદ નોંધાઈ હતી.