વિવાદ:બીજા રાઉન્ડમાં કોલેજ મળ્યા પછી મંજૂરી નહીં મળતા સિસ્ટમથી બહાર છાત્રોને સમાવવા માંગ

યુનિવર્સિટીની પીજીની પ્રવેશ પ્રક્રિયામાં બીજા રાઉન્ડમાં કોલેજ મળ્યા પછી મોટાભાગના વિદ્યાર્થીઓને પ્રવેશને મંજૂરી આપી નથી. જેથી તેઓ પ્રવેશ પ્રક્રિયાથી બહાર થઈ ગયા છે. સેનેટ સભ્ય કનુ ભરવાડે યુનિવર્સિટીને પત્ર લખીને તે વિદ્યાર્થીઓને ફરી પ્રવેશ પ્રક્રિયામાં સામેલ કરવા માંગ કરી છે.

સેનેટ સભ્યે જણાવ્યું કે પીજીની પ્રવેશ પ્રક્રિયા પૂર્ણ થનારી છે. તેવામાં જ બીજા રાઉન્ડમાં ઘણા વિદ્યાર્થીઓ કોઈક કારણોથી પ્રવેશ પ્રક્રિયાથી બહાર નકળી ગયા છે. જેથી તેમને ફરી પ્રવેશ પ્રક્રિયામાં સામેલ કરવા માટે કાર્યકારી કુલપતિ ડો. હેમાલી દેસાઇને કરાઇ છે. આ મામલે એડેમિશન કમિટીથી જણાય આવે છે કે, ગયા વર્ષની જેમ આ વખતે પણ વિદ્યાર્થીઓએ બીજા રાઉન્ડમાં કોલેજ મળ્યા પછી પ્રવેશને મંજૂરી આપી નથી. જેથી સિસ્ટમે તે વિદ્યાર્થીઓએ પ્રવેશ પ્રક્રિયામાંથી બહાર કાઢી નાંખ્યા છે. આવા વિદ્યાર્થીઓને ફરી પ્રવેશ મળે તે મામલે કાર્યકારી કુલપતિને રજૂઆત મળી હોવાથી અગામી દિવસોમાં એડમિશન કમિટી બેઠક કરીને યોગ્ય નિર્ણય લેશે.