માગણી:સોનાના ભાવમાં 9 હજાર ઘ‌ટતા લગ્ન સિઝનની માંગ 50 % વધી

લગ્નની સિઝનમાં જ સોનાના ભાવમાં ધરખમ ઘટાડો થતાં રીયલ ગોલ્ડની જ્વેલરીમાં 50 ટકાનો ઉછાળો આવ્યો છે. કેન્દ્રિય બજેટમાં નિર્મલા સિતારમણ દ્વારા ડ્યુટી ઘટાડાઇ છે, જેથી સોનામાં ઘણા સમય પછી ઘટાડો આવ્યો છે બીજી તરફ લગ્નની સિઝન પુરજોશમાં છે. આ બંને કારણોને કારણે જ્વેલરી માર્કેટમાં ઉછાળો આવ્યો છે. ગોલ્ડ જ્વેલરી, ડાયમંડ જ્વેલરી સહિતની જ્વેલરીઓમાં 60 ટકા માંગ વધી હોવાનું જ્વેલર્સો કહી રહ્યા છે.

સોનામાં રોકાણ માટે પણ ગોલ્ડ ખરીદી રહ્યા છે
જેમના ઘરે લગ્ન છે તે લોકો સોનાની ખરીદી કરી રહ્યા છે પરંતુ સોનાનો ભાવ 9 હજારથી વધારે ઘટતા લોકો રોકાણ કરવા માટે પણ સોનાની ખરીદી કરી રહ્યા છે. આ ઉપરાંત જે લોકો 2020માં ફરવા માટે જઈ નથી શક્યા તેમાંથી બચેલી રકમનો ગોલ્ડ ખરીદી કરીને રોકાણ કરી રહ્યા છે.

લગ્ન સિઝનમાં લોકોને ફાયદો થશે
ઈન્ડિયન બુલિયન જ્વેલર્સ એસો.ના પ્રમુખ નૈનાષ પચ્ચીગર કહે છે કે, ‘સોનાની ડિમાન્ડ હમણા 50 ટકા વધી છે. જેના કારણે લગ્નની સિઝનમાં લોકોને ફાયદો થવાની શક્યતા છે. લોકો રોકાણ માટે પણ સોનાની ખરીદી કરી રહ્યા છે.