અનોખી ગિફ્ટ:કોરોના દર્દી સાજા થતાં સિવિલને ઘડિયાળ આપી કેમકે તેમણે સૌથી ખરાબ સમય જોયો

દિલ્હી ગેટ ખાતે રહેતા અને 15 વર્ષથી હાઈપર ટેન્શનના દર્દી 68 વર્ષીય બાબુભાઈ છબીલદાસ ગોટલાવાલા માત્ર 12 દિવસમાં કોરોનાથી સાજા થઈ ગયા એમની સિવિલ હોસ્પિટલમાં સારવાર ચાલી રહી હતી. તેઓ જીવનમાં 68 વખત બ્લડ ડોનેશન કરી ચુક્યા છે. તેમણે કોરોનામુક્ત થઈ સિવિલની કોરોના વોર્ડની વિદાય લીધી ત્યારે એક અનોખી સંવેદના વ્યકત કરતાં કોવિડ વોર્ડમાં એક ઘડિયાળ ભેટ આપી. આ અંગે તેમણે કહ્યું કે, ‘કોરોના થયો એ મારો ખરાબ સમય હતો. જે પસાર થઈ જતાં સારો સમય આવ્યો છે.

બાબુભાઈએ 68 વખત બ્લડ ડોનેટ કર્યું છે
મારા જેવા અન્ય દર્દીઓનો ખરાબ સમય પણ બદલાય અને તેઓનો પણ સારો સમય આવે એ ભાવનાથી ‘સમય’ને કેન્દ્રસ્થાને રાખી હું જે વોર્ડમાં દાખલ હતો ત્યાં મેં ઘડિયાળની ભેટ આપી છે. 10 થી 12 દિવસમાં માત આપી ડીસ્ચાર્જ થઈ રહ્યા છે.

એટલા માટે સાજા થઈ રહ્યા છે દર્દી
કોરોનાનો સ્ટેઈન બદલાવાની આશા, ગંભીર દર્દીઓની સંખ્યા 95 ટકા ઓછી મળી રહી છે સારી સારવાર, મેડિકલ સાધનો જેવા કે ઓક્સિજન, બાઈપેપ અને વેંટીલેટરની કોઈ કમી નથી જેથી તરત સારવાર મળી રહી છે.