સુરતની સમૃદ્ધિ:કોરોનાથી લગ્નમાં ઉંધિયું ભૂલાયુંં, ઉતરાયણે કતારગામની પાપડીની ડિમાન્ડ

સુરતનું જમણ ખુબ પ્રખ્યાત છે, તેની સાથે સુરતની વાનગીઓ પણ એટલી જ વખણાય છે. જોકે હાલ લગ્નની સિઝનમાં કોરોના નડી રહ્યો છે. ગણતરીના જ મહેમાનો આવી શકે એમ હોવાથી લગ્નના જમણમાં બનાવાતી ઉંધિયું નામની વાનગીની માંગ પણ ઘટી છે.

પરંતુ આગામી દિવસોમાં ઉતરાયણ આવી રહી છે આ દિવસે ઉંધિયુંની સુરતીઓ મજા માણતા હોય છે, જેની તૈયારીના ભાગ રૂપે સુરતીઓની પ્રિય કતારગામની પાપડીનો પાક હાલમાં તૈયાર કરવામાં આવી રહ્યો છે. ઓલપાડના સેગવા ગામની સીમમાં ખેડુત પોતાના ખેતરમાં કતારગામની પાપડીની માવજત કરી રહ્યા છે.