તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સુપર એક્સક્લુઝિવ:સંતોષ ઉર્ફે અબ્દુલ્લાએ પાણીપતની મદ્રેસાની ભાઈઓને તસવીરો મોકલી લાલચ આપી હતી- ધર્માંતરણ કરી અહીં જલસા કરવા આવી જાવ

સુરતએક મહિનો પહેલાલેખક: દેવેન ચિત્તે
પાણીપતની મદ્રેસા અને સંતોષ ઉર્ફે અબ્દુલ્લાની તસવીર.
  • DivyaBhaskar પર પહેલીવાર જુઓ સંતોષ ઉર્ફે અબ્દુલ્લાની મદ્રેસાના વિડિયો-ફોટા
  • એક વર્ષ પહેલા પોલીસ દિલ્હીથી લઈ આવી હતી પણ ચાર મહિનામાં ફરી જતો રહ્યો
  • ભાઈઓને કહ્યું- મુસ્લિમ બની જાવ એટલે આખી જિંદગી ઠાઠથી પૂરી થઈ જશે

સુરતના ભટાર વિસ્તારમાં આવેલા આઝાદ નગરમાં રહેતા મરાઠી ભાઈઓ પૈકીનો એક ભાઈનું બ્રોનવોશ કરીને ધર્માંતરણ કરાવવાનો કિસ્સો સામે આવ્યો છે. હાલ તે દિલ્હી-હરિયાણા સરહદ પર આવેલા પાણીપત વિસ્તારમાં મૌલાના તરીકે મદ્રેસામાં મુસ્લિમ બાળકોને ભણાવવાનું પણ શરૂ કરી દીધું છે. ભાઈઓને મદ્રેસામાં બાળકોને પણ ભણાવતો હોય તેવા વીડિયો શેર કરી રહ્યો છે. દિવ્યભાસ્કરમાં પહેલીવાર સંતોષે જ તેના ભાઈઓને મોકલેલા પાણીપતના મદ્રેસાના વીડિયો પ્રસારિત કરી રહ્યું છે. સંતોષને પરત લાવવા ભાઈઓએ અપીલ કરી છે.

મદ્રેસાની વૈભવી ઠાઠના વીડિયો મોકલ્યા
સંતોષમાંથી અબ્દુલ્લા બનેલો યુવક 2020થી પોતાના ભાઈઓને મદ્રેસાની વૈભવી ઠાઠના વીડિયો મોકલી રહ્યો છે. તે પોતાના ભાઈઓને કહી રહ્યો છે કે, માત્ર મુસ્લિમ ધર્મનો સ્વીકાર કરો એટલે તમારી આખી જિંદગી વૈભવી ઠાઠમાઠથી પૂરી થઈ જશે. કોઈપણ સ્થળે કમાણી કરવા અને મહેનત કરવાની જરૂર નથી. યુવક હાલ તો મદ્રેસાના વીડિયો મોકલી પોતાના જ હિન્દુ ભાઈઓને પણ ધર્માંતરણ માટે લલચાવવાનો પ્રયાસ કરી રહ્યો હોય તેવું લાગી રહ્યું છે.

માતા-પિતા વિહોણા સંતોષનું બ્રેન વોશ કરી અબ્દુલ્લા બનાવી લીધો
માતા-પિતાની છત્રછાયા ગુમાવી ચૂકેલા ત્રણ ગરીબ મરાઠી ભાઈઓ આઝાદનગરમાં રહેતા હતા. આ વિસ્તારમાં મોટી સંખ્યામાં રહેતા મુસ્લિમોને કારણે તેમના અનેક મુસ્લિમ મિત્રો હતા. બાળપણથી જ મુસ્લિમ મિત્રો સાથે રમતા ત્રણેય ભાઈઓમાં સૌથી નાનો સંતોષ તેમની સાથે વધુ નિકટ આવી ગયો હતો. આસપાસના મુસ્લિમ મિત્રો દ્વારા મસ્જિદમાં આવતા મૌલાના સાથે તેનો પરિચય કરાવ્યો હતો અને ત્યારબાદ મૌલાના દ્વારા દરરોજ તેને મસ્જિદમાં બોલાવીને તેને મુસ્લિમ ધર્મના પાઠ ભણાવવાના શરૂ કરી દઈને તેનું બ્રેઇનવોશ કરી નાખ્યું હતું. આખરે સંતોષને એટલી હદે પોતાના ધર્મ તરફ વાળ્યો કે તેણે ધર્મ પરિવર્તન કરી લીધા હોવાનું બહાર આવ્યું છે.

સંતોષ ઉર્ફે અબ્દુલ્લા પોતાના જ ભાઈઓને વીડિયો મોકલી વૈભવી ઠાઠ બતાવી રહ્યો છે.
સંતોષ ઉર્ફે અબ્દુલ્લા પોતાના જ ભાઈઓને વીડિયો મોકલી વૈભવી ઠાઠ બતાવી રહ્યો છે.

2013માં ઘર છોડીને ગયા બાદ સાત વર્ષે સંપર્ક કર્યો
મરાઠી પરિવારના ત્રણ ભાઈઓ પૈકીનો એક સંતોષ પંઢરે વર્ષ 2013માં પોતાનું ઘર છોડીને નાસી ગયો હતો. તેના બંને ભાઈ રાજેશ અને દિનેશ દ્વારા ખૂબ શોધખોળ કરી પરંતુ તે મળ્યો ન હતો. આખરે છથી સાત વર્ષ બાદ તેનો ફોન આવ્યો હતો ત્યારે તેણે જણાવ્યું કે હું સંતોષમાંથી અબ્દુલ્લા બની ગયો છું. ફોન ઉપર સંતોષની વાત સાંભળીને તેના બંને ભાઈઓ આશ્ચર્યમાં મૂકાયા હતા. તેણે પોતે સંતોષ મુસ્લિમ ધર્મ સ્વીકારી લીધો હોવાની કબૂલાત ફોન ઉપર કરી હતી અને મુસ્લિમ ધર્મ વિશેની વાતો તેમની સાથે કરવા લાગ્યો હતો.

2013માં ઘરેથી ગયા બાદ સાત વર્ષે સંતોષે ભાઈઓનો સંપર્ક કર્યો હતો.
2013માં ઘરેથી ગયા બાદ સાત વર્ષે સંતોષે ભાઈઓનો સંપર્ક કર્યો હતો.

2020માં દિલ્હીથી પોલીસ સુરત લઈ આવી હતી
બંને ભાઈઓએ સ્થાનિક હિન્દુ સંગઠન માટે કામ કરતા યુવકોનો સંપર્ક કરીને પોલીસ કમિશનરને સમગ્ર ઘટના અંગે વાકેફ કર્યા હતા. ત્યારબાદ પોલીસ કમિશનરના આદેશથી ક્રાઇમ બ્રાન્ચની ટીમ 2020માં દિલ્હી સારંગપુર ખાતે પહોંચીને તે બાળકને મુસ્લિમ મૌલાનાઓની સકંજામાંથી છોડાવીને સુરત લાવવામાં આવ્યો હતો. સારી છોકરીથી મુસ્લિમ યુવકોનો સંપર્ક કરતો અને મસ્જિદમાં જઈને નમાઝ પડતો હતો.

સંતોષ ઉર્ફે અબ્દુલ્લા પોતાની તસવીરો ભાઈને મોકલી રહ્યો છે.
સંતોષ ઉર્ફે અબ્દુલ્લા પોતાની તસવીરો ભાઈને મોકલી રહ્યો છે.

પોતાના બંને ભાઈઓને પણ મુસ્લિમ ધર્મ વિશેની વાતો કરતો હતો
બંને ભાઇઓ દ્વારા સંતોષને વારંવાર રોકવા છતાં પણ તેનું એટલી હદે બ્રેન વોશ થયો હતો કે તેને મુસ્લિમ ધર્મની વાતો સિવાય અન્ય કોઈ વાતોમાં રસ પડતો ન હતો. તે એક જ વાત કરતો હતો કે, મુસ્લીમ ધર્મ અંગીકાર કરવાથી હવે હું જન્નત નશીન થઈ જઈશ. તે પોતાના બંને ભાઈઓને પણ મુસ્લિમ ધર્મ વિશેની વાતો કરતો હતો અને આ ધર્મમાં કેટલો પવિત્ર છે તે અંગેની પણ વાતો કરવાની શરૂ કરી દીધી હતી. કોઈપણ સ્થળે કમાણી કરવા અને મહેનત કરવાની જરૂર નથી માત્ર મુસ્લિમ ધર્મનો સ્વીકાર કરેલો એટલે તમારી આખી જિંદગી વૈભવી ઠાઠમાઠથી પૂરી થઈ જશે પ્રકારની તે વાતો કરતો હતો. ​​​​​​

બે ભાઈ નાનાભાઈને પરત લાવવા અપીલ કરી રહ્યા છે.
બે ભાઈ નાનાભાઈને પરત લાવવા અપીલ કરી રહ્યા છે.

બધી જ સવલતો ખુદા આપમેળે આપી દેશેની લાલચ અપાઈ હતી
દિનેશ પંઢરે જણાવ્યું કે, મારો ભાઈ મુસ્લિમ યુવકોની સંગાથમાં રહીને મુસ્લિમ થઈ ગયો છે. તેને એ પ્રકારની લાલચ આપવામાં આવી કે, તારે કોઈ પણ પ્રકારની કામ કરવાની જરૂર નથી. બધી જ સવલતો ખુદા તને આપમેળે આપી દેશે. નવા કપડાં પણ મળશે અને ખાવાનું પણ સારું મળી જશે. માત્ર તારે ખુદાનું નામ લેવાનું આખી જિંદગી અને મુસ્લિમ ધર્મનું ચુસ્તપણે પાલન કરવાનું. અમે ખૂબ જ ગરીબ પરિસ્થિતિમાં જન્મ્યા હતા અને અમારી પાસે ખાવાના પણ ફાંફા પડી જાય તેવી સ્થિતિ હતી અને તેનો લાભ અમારા વિસ્તારના કેટલાક મુસ્લિમ યુવકોએ અને મૌલાનાએ લીધો હતો. અમને પણ ધર્મ પરિવર્તન માટે કહેવામાં આવતું હતું પરંતુ અમે મરાઠી પરિવારમાંથી આવ્યા છે અને અમે આપણા ધર્મમાં ખૂબ જ આસ્થા રાખે છે. અમે ક્યારેય પણ કોઈ લાલચમાં આવ્યા ન હતા, પરંતુ અમારો ભાઇ નાનો હતો તેથી તે તેમને આપેલી લાલચમાં ફસાઈ ગયો અને આજે સંતોષમાંથી અબ્દુલ્લા બની ગયો છે.

સંતોષ ઉર્ફે અબ્દુલ્લાના ભાઈ પાસે નાનપણની તસવીર.
સંતોષ ઉર્ફે અબ્દુલ્લાના ભાઈ પાસે નાનપણની તસવીર.

મુસ્લિમ ધર્મમાં જવાથી હવે જન્નતમાં પહોંચી જવાનું રટણ કરતો
દિનેશ પંઢરે વધુમાં જણાવ્યું કે, જ્યારે પણ તે ફોન કરતો હતો ત્યારે તે ખૂબ મજામાં છે એવી વાતો કરતો હતો અને એક જ વાત વારંવાર રટણ કરતો હતો કે મુસ્લિમ ધર્મમાં જવાથી હવે હું જન્નતમાં પહોંચી જવાનો છું. ત્યાં બધી જ સુવિધાઓ મને મળવાની છે, મારું જીવન સફળ થઈ જવાનું છે. અમે તેને વારંવાર ફોન પર કહેતા કે આ બધી વાતો ખોટી છે તું એ લોકોના ખોટા ભ્રમમાં ન આવતો.

સંતોષ સુરતમાં હતો તે સમયની તસવીર.
સંતોષ સુરતમાં હતો તે સમયની તસવીર.

મસ્જિદના વીડિયો ભાઈઓને મોકલ્યા
હિન્દુ સંગઠન સાથે જોડાયેલા દેવીપ્રસાદ દુબેએ ત્રણેય ભાઈઓને ફરીથી એકત્રિત કરવા માટે ખુબ મહેનત કરી હતી. તેમણે આ બાબતે પોલીસ કમિશનરને જે તે સમયે જાણ કરતાં ક્રાઇમ બ્રાન્ચની ટીમે દિલ્હીના સારંગપુર જઈને સંતોષને પોતાના ઘરે લઈ આવી હતી. પરંતુ ફરી એકવાર સંતોષના સંપર્કમાં આવીને તેને ફરીથી લઈ ગયા હોવાનું જાણવા મળી રહ્યું છે. અત્યારે તેના ભાઇઓ પર સંતોષ પણ જ્યારે ફોન આવે છે ત્યારે તે કોઈ મસ્જિદમાં બાળકોને ભણાવતો હોય તેવા વીડિયો શેર કરી રહ્યો છે.

હિન્દુ સંગઠને યુવકને પરત લાવવા બહું સંઘર્ષ કર્યો.
હિન્દુ સંગઠને યુવકને પરત લાવવા બહું સંઘર્ષ કર્યો.

હવે યુવક મદ્રેસામાં ભણાવવાને પણ લાયક થઈ ગયો
દેવીપ્રસાદે વધુમાં જણાવ્યું હતું કે, સંતોષે મુસ્લિમ ધર્મનો અભ્યાસ પણ કરી લીધો છે અને હવે તે એટલો સક્ષમ થઈ ગયો છે કે તે મુસ્લિમ બાળકોને પણ મદ્રેસામાં ભણાવવાને લાયક થઈ ગયો છે જેના પરથી ખ્યાલ આવે છે કે કેવી રીતે તેને ટ્રેનિંગ આપવામાં આવી રહી છે. આ એક પ્રકારનું મોટું ષડયંત્ર દેશભરમાં ચાલી રહ્યો છે. જેમાં ગરીબ અને કચડાયેલા વર્ગના લોકોને મુસ્લિમ ધર્મ તરફ પ્રેરવામાં આવી રહ્યા છે. સરકારે તાત્કાલિક ધોરણે આ પ્રકારના ધર્માંતરણના કિસ્સાઓ ઉપર ગંભીરતાથી વિચારવું જોઈએ અને બીજા કિસ્સાઓ ન વધે તેના માટે સખ્તાઇપૂર્વકના પગલાં લેવા જોઈએ.