રાતે અને વહેલીસવારે ફુલગુલાબી ઠંડી:ઉત્તરીય પવનોની ગતિ ધીમી પડતા જ ઠંડીનો પારો 18.2 ડિગ્રીએ સ્થિર : બે દિવસ તાપમાન સામાન્ય

શહેરમાં ઉત્તર-પૂર્વિય દિશાથી ફૂંકાતા ઠંડા પવનોનું જોર ઘટી ગયું છે. જેના કારણે ઠંડીનો પારો સતત બીજા દિવસે 18.2 ડિગ્રી ઉપર સ્થિર રહ્યો હતો. પવનની ગતિ મંદ પડતાં આવતીકાલે લઘુત્તમ તાપમાન 18 ડિગ્રીની આસપાસ રહેવાની સંભાવના છે. જ્યારે દિવસનું તાપમાન સામાન્ય વધી શકે છે. શુક્રવારે શહેરનું મહત્તમ તાપમાન 34 ડિગ્રી અને લઘુત્તમ તાપમાન 18.2 ડિગ્રી નોંધાયું હતું. વાતાવરણમાં સવારે ભેજનું પ્રમાણ 71 ટકા અને સાંજે 49 ટકા રહ્યું હતું. ઉત્તર દિશાથી 2 કિ.મી.ની ગતિએ પવનો ફૂંકાઇ રહ્યા છે.