ચૂંટણી:સુરતમાં પાલિકાના જંગમાં ભાજપ-કોંગ્રેસ આપના ઉમેદવારો મેદાનમાં, વોર્ડ દીઠ પાર્ટીવાઈઝ ઉમેદવારોનું સંપૂર્ણ લિસ્ટ

સુરત મહાનગરપાલિકાની ચૂંટણીમાં ઉમેદવારોના નામ અને ફોર્મ ભરાયા બાદ છેલ્લી સ્થિતિ સ્પષ્ટ થઈ છે. જેમાં ભાજપ અને કોંગ્રેસના તથા આમ આદમીએ પણ પોતાના ઉમેદવારો ઉભા રાખ્યા હોવાથી ચૂંટણી થોડી રોમાંચક બની છે. કોંગ્રેસમાં અંદરો અંદરના વિખવાદના કારણે ભાજપને સીધી ટક્કર આપી શકે તેવી સ્થિતિ ખૂબ ઓછી જોવા મળી રહી છે. ત્યારે ત્રીજા પક્ષ તરીકે ઉભરી રહેલી આમ આદમી પાર્ટીને પ્રથમવાર બેઠકો મળે તેવા સંજોગો ઉભા થયા છે. અપક્ષ ઉમેદવારોએ પણ ફોર્મ ભર્યા છે. જો કે ભાજપના 120 ઉમેદવારો, કોંગ્રેસના 117 અને આપના 114 ઉમેદવારો હાલ મેદાનમાં છે.જ

ભાજપના 120 ઉમેદવારો મેદાનમાં
માઈક્રો પ્લાનિંગ અને બૂથ લેવલ પર પેજ કમિટી બનાવનાર ભાજપે ચૂંટણી અગાઉથી જ માઈક્રો પ્લાનિંગ કરી રાખ્યું હતું. તે મુજબ હાલ ઉમેદવારોનો સોશિયલ મીડિયાથી લઈને સભા સુધીના પ્રચારની રણનીતિ જાહેરકરી દેવામાં આવી છે. જેથી ઉમેદવારોને આ ફાયદો મળી શકે તેમ છે. જો કે 120 ઉમેદવારોમાંથી ભાજપના એક પણ ઉમેદવારે ફોર્મ પાછું ખેચ્યું નથી કે તેમના ફોર્મ રદ્દ થયા નથી. જેથી દરેક વોર્ડમાં ભાજપના ચાર-ચાર ઉમેદવારો ચૂંટણી લડી રહ્યાં છે.

કોંગ્રેસ અને આપના ઉમેદવારોના ફોર્મ રદ્દ થયેલા
કોંગ્રેસમાંથી પાસના ધાર્મિક માલવિયાએ ફોર્મ ન ભરીને છેલ્લી ઘડીએ સર્જેલા હાઈ વોલ્ટેજ ડ્રામા બાદ કોંગ્રેસમાંથી વોર્ડ નંબર 3ના બે ફોર્મ પરત ખેંચાતા હાલ કોંગ્રેસના 117 ઉમેદવારો મેદાનમાં છે જ્યારે આમ આદમી પાર્ટીના ઉમેદવારોના ફોર્મ અપૂરતી વિગતોના કારણે રદ્દ થતાં 114 ઉમેદવારો મેદાનમાં છે.

ચૂંટણીના જંગમાં કુદેલા ઉમેદવારોના નામ પક્ષ અને વોર્ડવાઈઝ

​​