તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

બારડોલી રશ્મિ મર્ડર કેસનું રિકન્સ્ટ્રક્શન:લિવ-ઇનમાં રહેતી પ્રેગ્નન્ટ પ્રેમિકાની લાશ લિફ્ટમાં નીચે ઉતારી પાર્કિગમાં રહેલી કારમાં 4 કલાક મૂકી, શહેરમાં આંટા મારી સસરાના ખેતરમાં દાટી

બારડોલી5 મહિનો પહેલા
  • કૉપી લિંક
મૃતક રશ્મિની ફાઈલ તસવીર અને રશ્મિ હત્યાની તપાસમાં પોલીસે આરોપીને વાલોડ ખાતે લાવી ખેતરમાં તપાસ હાથ ધરી. - Divya Bhaskar
મૃતક રશ્મિની ફાઈલ તસવીર અને રશ્મિ હત્યાની તપાસમાં પોલીસે આરોપીને વાલોડ ખાતે લાવી ખેતરમાં તપાસ હાથ ધરી.
  • રશ્મિની હત્યાનું પ્રેમીને સાથે રાખી પોલીસે રિકન્સ્ટ્રક્શન કર્યું
  • હત્યા બાદ ખેતરમાં દાટી દઈને ઘરે આવી સ્નાન કરી લીધું હતું

બારડોલીના બાબેન ગામે લક્ઝરિયા એપાર્ટમેન્ટમાં લિવ-ઇનમાં રહેતી પ્રેમિકા રશ્મિ કટારિયાની પ્રેમીના હાથે થયેલી ચકચારી હત્યામાં આરોપી બે દિવસ રિમાન્ડ પર છે. ત્યારે પોલીસે હત્યાનું રિકન્સ્ટ્રક્શન હાથ ધર્યું હતું, જેમાં પોલીસે આરોપી પ્રેમીને સાથે રાખી હત્યાથી લઈને તેને દાટી દીધા બાદ ઘરે આવવા સુધીનું રિકન્સ્ટ્રક્શન હાથ ધર્યું હતું. વહેલી સવારે 3 વાગ્યે હત્યા બાદ 4 કલાક સુધી પ્રેમિકાની લાશને લિફ્ટમાં નીચે ઉતારી પાર્કિંમાં રહેલી કારમાં મૂકી રાખી હતી. ત્યાર બાદ પહેલા નગરમાં આંટા માર્યા બાદ એને સસરાના ખેતરમાં દાટી આવ્યો હતો.

આ પણ વાંચોઃ લિવ-ઈનમાં રહેતી યુવતીની પ્રેમીએ હત્યા કરી દાટી દીધાની કબૂલાતથી પોલીસ ચોંકી ઊઠી હતી

સમગ્ર ઘટનાનું સવારે 4 વાગ્યાથી બપોરે 2 વાગ્યા સુધીના 10 કલાકનું રિકન્સ્ટ્રક્શન કરાયું

  • 14મી તારીખે મળસ્કે 3 વાગ્યા પછી ઝઘડો થતાં ગળું દબાવી હત્યા કરી.
  • મળસ્કે 4 વાગ્યાના સમયે રશ્મિની લાશ લિફ્ટથી નીચે લાવી પાર્કિંગમાં કારની ડીકીમાં સંતાડી હતી.
  • ત્યાર બાદ ફરી ફ્લેટમાં આવી ગયો હતો.
  • 8 વાગ્યાની આજુબાજુ ઘરેથી લાશ મૂકેલી કાર લઈને નીકળ્યો હતો,પહેલા નગરમાં આંટા માર્યા હતા.
  • ત્યાર બાદ લાશના નિકાલ માટે પોતાના ગામ નવી કિકવાડ ગામે આવેલા મામાના ખેતર ગયો હતો. ત્યાં મામાને મળીને પોતાની માતાના ખેતરે ગયો હતો.
  • ત્યાં થોડું રોકાયા બાદ ભટલાવ - વાંકાનેર થઈ વાલોડ ખાતે સસરાના ખેતરે ગયો હતો.
  • ખેતરમાં સર્વે કરતા પાઈપલાઈન માટે કરેલા ખાડો જોતાં ત્યાં લાશનો નિકાલ કરવાનું નક્કી કર્યું હતું.
  • સસરાના ખેતરમાંથી નીકળી વાલોડ બજારમાં ગયો હતો, જ્યાંથી એક દુકાનેથી મીઠું અને બીજી દુકાનથી તાડપત્રી ખરીદી હતી.
  • વાલોડ બજારથી ફરી સસરાના ખેતરમાં આવ્યો હતો, જ્યાં રશ્મિની લાશને મીઠું સાથે તાડપત્રી વીંટાળીને પેક કરી ખાડામાં મૂકી હતી અને માટીથી ઢાંકવાની કોશિશ કરી હતી.
  • ખાડો મોટો હોવાથી માટી પુરાણની વધારે જરૂર હોવાથી કિકવાડ ગામે આવ્યો હતો, કાર મૂકીને ટ્રેકટર લઈ ફરી વાલોડ ખેતરે આવી સુપડીથી માટી પુરાણ કરી, કલાક ખેતરના પાળ પર બેઠો હતો.
  • બપોર 2 વાગ્યે પોતાના ઘરે આવી સ્નાન કર્યું હોવા સુધીના ઘટનાક્રમનું રિકન્સ્ટ્રક્શન કરાયું હતું.

આ પણ વાંચોઃ ઘરકંકાસમાં રશ્મિની હત્યા કરાઈ હતી, SC/ST સેલને તપાસ સોંપાઈ

રશ્મિ હત્યાની તપાસમાં આરોપીને વાલોડ ખાતે લાવી મીઠું જ્યાંથી ખરીદ્યું હતું એ દુકાનદારની તપાસ હાથ ધરી.
રશ્મિ હત્યાની તપાસમાં આરોપીને વાલોડ ખાતે લાવી મીઠું જ્યાંથી ખરીદ્યું હતું એ દુકાનદારની તપાસ હાથ ધરી.

ઘટના શું હતી?
બાબેન ગામે લક્ઝરિયા એપાર્ટમેન્ટમાં રહેતા ચિરાગ પટેલે છેલ્લાં 4 વર્ષથી પોતાની સાથે લિવ-ઇનમાં રહેતી રશ્મિ કટારિયાનું 14મી નવેમ્બરે મળસ્કે ગળું દબાવી હત્યા કરી હતી. ચિરાગ પટેલે લાશને કારમાં મૂકી વાલોડ ગયો હતો, જ્યાંથી તાડપત્રી ખરીદી તેમાં લાશ પેક કરીને વલોડના પડતર ખેતરમાં દફનાવી દીધી હતી. પોલીસે ખેતરમાંથી રશ્મિની લાશ કાઢી હતી. ત્યાર બાદ ફોરેન્સિક પીએમ કરાવવા સુરત પીએમ પૂર્ણ થતાં અંતિમક્રિયાની તજવીજ હાથ ધરાઈ હતી. બીજી તરફ, હત્યા પ્રકરણમાં તપાસ એસસી/એસટી સેલને સોંપવામાં આવી હતી. પોલીસે ખેતરમાં માટી પુરાણ કરતા જેસીબીના ડ્રાઇવર સહિતના લોકોનાં નિવેદનો નોંધ્યાં હતાં.

આ પણ વાંચોઃ ગર્ભવતી રશ્મિને માર માર્યા બાદ ઝઘડાઓ શરૂ થયા હતા, 22 કિમી દૂર દફનાવેલી લાશ મળી

બાબેન ગામે હત્યા કર્યા બાદ એપાર્ટમેન્ટના પાર્કિંગમાં કારની ડીકીમાં લાશ મૂકી હતી, એ જગ્યાથી પોલીસ રિકન્સ્ટ્રક્શન શરૂ કર્યું હતું.
બાબેન ગામે હત્યા કર્યા બાદ એપાર્ટમેન્ટના પાર્કિંગમાં કારની ડીકીમાં લાશ મૂકી હતી, એ જગ્યાથી પોલીસ રિકન્સ્ટ્રક્શન શરૂ કર્યું હતું.

પોલીસના 5 દિવસના રિમાન્ડની માગ સામે 2 દિવસના રિમાન્ડ મળ્યા
પોલીસે ચિરાગ પટેલને ગુરુવારે બારડોલી કોર્ટમાં રજૂ કર્યો હતો. પોલીસે 5 દિવસના રિમાન્ડની માગણી કરી હતી, જે સંદર્ભે સરકારી વકીલ જિતેન્દ્ર પારડીવાલાએ જજ સામે દલીલો રજૂ કરતાં તેને ધ્યાનમાં રાખી જજ બી. એલ. ચૌધરી સાહેબે 2 દિવસના રિમાન્ડ એટલે કે તા. 27મી નવેમ્બર 2020ના રોજ 3.00 કલાક સુધીના મંજૂર કર્યા હતા.

રશ્મિ હત્યાની તપાસમાં આરોપીને વાલોડ ખાતે લાવી પ્લાસ્ટિક લેવામાં આવ્યો હતો એ દુકાનદારની તપાસ હાથ ધરી.
રશ્મિ હત્યાની તપાસમાં આરોપીને વાલોડ ખાતે લાવી પ્લાસ્ટિક લેવામાં આવ્યો હતો એ દુકાનદારની તપાસ હાથ ધરી.

લાશને દફનાવવા ઉપયોગમાં લેવાયેલું ટ્રેક્ટર કબજે લેવાયું
ચિરાગ પટેલે ગળું દબાવી પ્રેમિકા રશ્મિ કટારિયાની હત્યા કરી લાશનો નિકાલ સુધીનો 10 કલાકના ઘટનાક્રમનું પોલીસે રિકન્સ્ટ્રક્શન એસટીએસસી સેલના ડીવાયએસપી, બારડોલી પીઆઇ એમ.એમ. ગિલાતર સહિત હત્યાનો આરોપી ચિરાગ પટેલને સાથે રાખી કરવામાં આવ્યું હતું. પોલીસે રશ્મિની લાશને ખાડામાં પૂરવા જે ટ્રેક્ટરનો ઉપયોગ કર્યો હતો, જેનું પંચનામું કરી જપ્ત લીધું હતું. પ્રેમિકા રશ્મિ કટારિયાને 3 માસનો રહેલ ગર્ભ બાબતે બંને વચ્ચે ઝઘડો થતો હોઈ જે કારણે હત્યા કરવામાં આવી હોવાનું જાણવા મળ્યું છે.

હત્યાના બીજા દિવસે કાર વોશ કરાવી
ચિરાગ પટેલે શનિવારે મળસ્કે પ્રેમિકા રશ્મિની હત્યા કરી લાશને કારની ડીકીમાં રાખી બપોર સુધી લઈ રખડ્યા બાદ લાશનો નિકાલ માટે વાલોડના ખેતરમાં ખાડામાં નાખી દફન કરી હતી. ત્યાર બાદ રવિવારે બાબેન ગામે સર્વિસ સેન્ટરમાં કારને વોશ કરાવી હતી.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમયે રોકાણ જેવા કોઇ આર્થિક ગતિવિધિમાં વ્યસ્તતા રહેશે. લાંબા સમયથી ચાલી રહેલી કોઇ ચિંતાથી પણ રાહત મળશે. ઘરના વડીલોનું માર્ગદર્શન તમારા માટે ખૂબ જ ફાયદાકારક તથા સુકૂન આપનાર રહેશે. નેગેટિવ...

વધુ વાંચો