• Gujarati News
  • Local
  • Gujarat
  • Surat
  • In Surat, At The Behest Of His Girlfriend, The Boyfriend Attckn With An Ax On Jijani, Hit Him On The Head And Hands, And The Incident Was Captured On CCTV

LIVE વીડિયો:સુરતમાં પ્રેમી પ્રેમિકાના ઈશારે બનેવી પર કુહાડી લઈ તૂટી પડ્યો, માથાં સહિત હાથ પર ઘા માર્યા, ઘટના CCTVમાં કેદ

સુરત12 દિવસ પહેલા
કુહાડીથી હુમલાની ઘટના સીસીટીવીમાં કેદ.
  • માથામાં બે ઘા અને 9 ટાંકા, ડાબા હાથની કોણી ઉપર 3 અને શરીર ઉપર ઘા માર્યા
  • પ્રેમલગ્નમાં આ 5મો હુમલો થતા પરિવાર ડરના માહોલમાં જીવવા મજબૂર બન્યું

સુરતના રાંદેરમાં પ્રેમિકાના ઈશારે પ્રેમીએ બનેવી પર કુહાડી લઈને તૂટી પડ્યો હતો. માથા સહિત હાથ પર ઘા માર્યા હતા. હુમલો કરી હત્યાનો પ્રયાસ કરતો વીડિયો સામે આવતા પોલીસ પણ ચોંકી ગઈ છે. એટલું જ નહીં પણ પ્રેમલગ્ન કરતા સાળીને મન દુઃખ થયું હોવાનું ઇજાગ્રસ્ત બનેવી સલીમે જણાવ્યું છે. 18 વર્ષના પ્રેમલગ્નમાં આ 5મો હુમલો થતા પરિવાર ડરના માહોલમાં જીવવા મજબૂર બન્યું છે. જોકે CCTVમાં કેદ હુમલાની ઘટના બાદ હત્યાના પ્રયાસનું કાવતરું પૂર્વ આયોજિત હોવાનું ઇજાગ્રસ્ત સલીમે જણાવ્યું છે.

માથામાં બે ઘા અને 9 ટાંકા, ડાબા હાથની કોણી ઉપર 3 અને શરીર ઉપર કુહાડીના ઘા માર્યા.
માથામાં બે ઘા અને 9 ટાંકા, ડાબા હાથની કોણી ઉપર 3 અને શરીર ઉપર કુહાડીના ઘા માર્યા.

કુહાડીથી હુમલો કર્યા બાદ ઉપરા ઉપરી કુહાડીના ઘા માર્યા
સલીમ હાસીમ સાદીકિ (ઇજાગ્રસ્ત) એ જણાવ્યું હતું કે રાંદેર તૈયબા એપાર્ટમેન્ટમાં રહે છે અને નોકરી કરી બે સંતાન સાથે પરિવારનું ગુજરાન ચલાવી રહ્યા છે. 14 મીની રોજ તેઓ ઘર નજીક ત્રણબત્તી વિસ્તારમાં કામકાજ માટે ગયા હતા. જ્યાં પાછળથી કોઈ ઇસમે માથા પર કુહાડીથી હુમલો કર્યા બાદ ઉપરા ઉપરી કુહાડીના ઘા માર્યા હતા. તપાસ કરતા ખબર પડી હતી કે સાળી અસમાના ઈશારે એના પ્રેમી સજ્જાદ દ્વારા પતાવી દેવાના ઇરાદે હુમલો કરવામાં આવ્યો હતો.

માથા પર કુહાડીના ઘા માર્યા.
માથા પર કુહાડીના ઘા માર્યા.

માથામાં બે ઘા અને 9 ટાંકા આવ્યા
વધુમાં જણાવ્યું હતું કે હુમલા બાદ સ્વબચાવ માટે વળતો જવાબ આપતા આપતા જમીન પર પડી જતા હુમલાખોર ભાગી ગયો હતો. ઇજાગ્રસ્ત હાલતમાં તેમને સારવાર માટે સિવિલ લઈ આવતા માથામાં બે ઘા અને 9 ટાંકા, ડાબા હાથની કોણી ઉપર 3 અને શરીર ઉપર ઘાની પ્રાથમિક સારવાર બાદ તેમણે રજા આપી દેવાય હતી.

હુમલો કરનાર આરોપીની ફાઈલ તસવીર.
હુમલો કરનાર આરોપીની ફાઈલ તસવીર.

હુમલો મારી હત્યાનું કાવતરું પણ હોય શકે
વધુમાં જણાવ્યું હતું કે CCTVમાં કેદ આખી ઘટના બાદ આ હુમલો મારી હત્યાનું કાવતરું પણ હોય શકે છે. અગાઉ પણ આજ વ્યક્તિએ મારી સાળીના કહેવા પર વારંવાર હુમલા કર્યા છે. ડોક્ટરોએ પણ માથામાં નાના મગજ પર વાગેલા ઘા બાદ કહ્યું છે તમને નવું જીવન મળ્યું છે. રાંદેર પોલીસમાં ફરિયાદ આપતા પોલીસે વધુ તપાસ હાથ ધરી છે.