લોકડાઉન:પાંડેસરામાં શુઝની દુકાન ચાલુ રાખનારની ધરપકડ

પાંડેસરા પોલીસે શુઝની દુકાન ચાલુ રાખનારને અને સચીન જીઆઈડીસીપોલીસે અન્ડર વેયર-બનીયાન વેચનારની ધરપકડ કરી છે.  પાંડેસરા પોલીસ ગુજપાત હાઉસિંગ બોર્ડ પાસે જલારામમ નગર પાસે પેટ્રોલિંગમાં હતી ત્યારે ત્યાં અનીલ શુ પોઈન્ટ નામની દુકાન ખુલ્લી હતી. ત્યાં કેટલાક લોકો ભેગા થયા હતા. તેઓ પોલીસ જોઈને નાસી ગયા હતા. દુકાનદારે માસ્ક પહેર્યું નહતું તેમજ ગ્લોવઝ પહેર્યા ન હતા. પોલીસે દુકાનદાર રાકેશ નારાયણ પ્રજાપતિ(રહે. આવિર્ભાવ સોસાયટી-1, ગુજરાત હાઉસિંગ બોર્ડ,પાંડેસરા) વિરુદ્ધ ગુનો દાખલ કરીને તેની ધરપકડ કરી હતી.તેમજ સચીન જીઆઈડીસી વિસ્તારમાં રામેશ્વર કોલોની પાસે,શિવશક્તિનગરમાં આરોપી મો.ઇકરાર મો.કાસીમ શેખ(રહે. હરીઓમની ચાલ,શિવશક્તિનગર,સચીન જીઆઈડીસી) પાથરણું પાથરીને અંડરવેયર અને બનીયાન વેચતો હતો ત્યાં આઠેક જણા ખરીદી માટે આવ્યા હતા. સચીન જીઆઈડીસી પોલીસે મો.ઇકરાર વિરુદ્ધ ફરિયાદ નોંધીને ધરપકડ કરી છે.