ચૂંટણી:11માંથી 8 બેઠક પર કોંગ્રેસને પછાડી આપ બીજા ક્રમે રહી

સુરત શહેરની 12 વિધાનસભા બેઠક પૈકી એક માત્ર પૂર્વ બેઠક પર ઉમેદવારે ફોર્મ પરત ખેંચી લેતા 11 બેઠક પર આમ આદમી પાર્ટીના ઉમેદવારો ચૂંટણી લડ્યા હતા. સુરત શહેરમાં આપ પાર્ટીને 1 પણ બેઠક મળી નથી. પરંતુ કોંગ્રેસની સરખામણીએ આમ આદમી પાર્ટીના વોટની ટકાવારી વધી છે. 11 બેઠક પૈકી 8 બેઠક પર ભાજપ પછી બીજા નંબરે આમ આદમી પાર્ટી રહી છે.

સુરતની ઓલપાડ, ઉધના અને પશ્ચિમ બેઠક પર જ કોંગ્રેસ બીજા ક્રમે રહી છે. જ્યારે મજૂરા, પશ્ચિમ, ચોર્યાસી, કરંજ, કતારગામ, વરાછા, કામરેજ, લિંબાયત બેઠક પર આપના ઉમેદવારો બીજા ક્રમે રહ્યા છે. આમ આદમી પાર્ટીને સૌથી વધુ વોટ કામરેજ, વરાછા અને કતારગામ બેઠક પર મળ્યા છે.

સુરત શહેરમાં ભાજપને 14.18 લાખ, આમ આદમી પાર્ટીને 4.59 લાખ અને કોંગ્રેસ 2.99 લાખ મત મળ્યા છે. આમ, આ ચૂંટણીમાં આપ ભલે હારી હોય પરંતુ કોંગ્રેસને તો નવ નેજા પાણી લાવી નાંખ્યા એ હકીકત સાબિત થઈ છે.