અકસ્માત:ભટારમાં વેપારીની કારને ટ્રેકટર ચાલકે ટક્કર મારી, ગુનો નોંધી ધરપકડની કાર્યવાહી કરાઇ

રિંગરોડની એનટીએમ માર્કેટમાં કાપડનો ધંધો કરતા અને વેસુ શ્યામ પેલેસમાં રહેતા સન્ની હરીશચંદ્ર ગાંધી 13મી તારીખે સવારે કાર લઈને હોસ્પિટલ જતા હતા. દરમિયાન જમનાનગર બસ સ્ટેન્ડ પાસે ભટાર તરફથી આવતા ટ્રેકટર ચાલકે ફુલ સ્પીડમાં આવી કારને ટક્કર મારી દીધી હતી. વેપારીનો ભાઈ હોસ્પિટલમાં એડમિટ છે. બનાવ અંગે ઉમરા પોલીસે વેપારીની ફરિયાદ લઈ ટ્રેકટર ચાલક સુભાષ કિશન તાતડે(રહે,આઝાદનગર, વિશ્વકર્મા મંદિરની પાસે,ભટાર)ની સામે ગુનો નોંધી ધરપકડની કાર્યવાહી કરી તેને તપાસ માટે નવી સિવિલમાં લઈ ગયા હતા.