• Gujarati News
  • Local
  • Gujarat
  • Surat
  • A Short Circuit Caused A Fire, The Compressor Of The AC Exploded As The Heat Increased And The Bus Caught Fire In 1 Minute.

સુરત લક્ઝરી આગકાંડ:શોર્ટસર્કિટથી આગ લાગી, ગરમી વધતાં જ ACનું કોમ્પ્રેસર ફાટ્યું ને 1 મિનિટમાં બસ ભડકે બળી, ફોમનાં ગાદલાં ઘાતક નીવડ્યાં

સુરત4 મહિનો પહેલા
  • કૉપી લિંક

યોગીચોક પાસે મંગળવારે મોડી રાત્રે લકઝરી બસમાં આગ લાગતાં જ એસીનું કોમ્પ્રેસર ધડાકાભેર ફાટ્યું હતું, જેને કારણે આગ વધુ વિકરાળ બની હતી. બસમાં જમણી બાજુ ડબલ સીટ કેબિનમાં બેઠેલા યુગલમાંથી યુવક તો બહાર નીકળી ગયો હતો, પરંતુ મહિલા ત્યાં જ ફસાઈ જતાં તે જીવતી સળગી ગઈ હતી.

આગ લાગતાં ફાયર વિભાગની ટીમે ઘટનાસ્થળે પહોંચી આગ પર કાબૂ મેળવ્યો હતો
આગ લાગતાં ફાયર વિભાગની ટીમે ઘટનાસ્થળે પહોંચી આગ પર કાબૂ મેળવ્યો હતો

ભાવનગર જવા નીકળેલી લકઝરી બસમાં ‘લકઝરી’ સેવાને કારણે જ શોર્ટસર્કિટ થયું હોવાનું પ્રાથમિક તપાસમાં જણાઈ આવ્યું છે. આગ લાગ્યા બાદ તરત જ બસના પાછળના ભાગે બ્લાસ્ટ થયો હતો. બસમાં 1x2ની વ્યવસ્થાની સ્લિપિંગ એસીની વ્યવસ્થા હતી. જમણી બાજુ પાછળના ભાગે બે રેકમાં ડબલ બેડવાળા બોક્સ હતા, જેમાં ઉપરના ભાગે મહિલા સહિત બે લોકો બેઠા હતા. એકાએક આગ લાગતાં આ બોક્સમાં બેઠેલી મહિલાને બસમાંથી ઊતરવાનો સમય જ મળ્યો ન હતો અને તે જોતજોતાંમાં જ જીવતી સળગી ગઈ હતી.

કોમ્પ્રેસર ફાટતાં સમગ્ર બસમાં આગ ફાટી નીકળી હતી.
કોમ્પ્રેસર ફાટતાં સમગ્ર બસમાં આગ ફાટી નીકળી હતી.

બસમાં મોબાઇલ ચાર્જિંગ માટેના પણ યુનિટ્સ આપેલા હતા. શક્યતા છે કે એને કારણે પહેલા શોર્ટસર્કિટ થયું અને પછી આગ લાગી હતી. આગ લાગ્યા બાદ બસના નીચેના ભાગે ટેમ્પરેચર વધ્યું અને તરત જ એસીનું કમ્પ્રેસર ફાટ્યું હતું. આ બ્લાસ્ટ અને બસમાં સૂવા માટે ગોઠવાયેલી ફોમની ગાદીને કારણે આગ વધુ વિકરાળ બની હતી.

બસમાં આગ લાગતાં એક મહિલા જીવતી બળીને ભડથું થઈ ગઈ હતી.
બસમાં આગ લાગતાં એક મહિલા જીવતી બળીને ભડથું થઈ ગઈ હતી.

બાઇકચાલકે મને આગ લાગી હોવાનો ઇશારો કર્યો
યોગીચોક પાસેથી હું લકઝરી લઈને જતો હતો ત્યારે એક બાઇકવાળો ઓવરટેક કરીને નજીક આવ્યો અને કહેવા લાગ્યો કે તારી બસની પાછળના ભાગે ધુમાડા નીકળે છે, એટલે મેં તરત બસ ઊભી રાખી અને પાછળ જઈને ચેક કર્યું એટલીવારમાં તો આગ વધુ ફેલાઈ ગઈ હતી. - લકઝરી બસનો ડ્રાઇવર

અન્ય સમાચારો પણ છે...