દુખદ:સચિનની કંપનીમાં કામ કરતી વેળા પડી જતા આધેડનું મોત

સચિનની એક કંપનીમાં કામ કરતી વખતે પડી જતા માથાના ભાગે ઘવાયેલા આધેડનું સારવાર દરમિયાન મોત નીપજ્યું હતું. બનાવ અંગે સચિન પોલીસે અકસ્માત મોતની નોંધ કરી તપાસ શરૂ કરી છે.

સચિન સ્લમ બોર્ડ ખાતે રહેતા 55 વર્ષીય અશોકભાઈ હરિહર બ્રાહ્મણ સચિન હોજીવાલા એસ્ટેટમાં એક કંપનીમાં નોકરી કરતા હતા. ગત તા. 27 ડિસેમ્બરે તેઓ કંપનીમાં કામ કરતા હતા ત્યારે અકસ્માતે પડી ગયા હતા. જેથી માથાના ભાગે ગંભીર રીતે ઘવાતા તેમને તાત્કાલિક સારવાર માટે સિવિલ હોસ્પિટલમાં ખસેડાયા હતા. જ્યાં સારવાર દરમિયાન મંગળવારે સવારે તેમનું મોત નીપજ્યું હતું. બનાવ અંગે સચિન પોલીસે અકસ્માત મોત ની નોંધ કરી વધુ તપાસ શરૂ કરી છે.