તસ્કરી:ચૌટાબજારની ભીડમાં યુવતીના ગળામાંથી સોનાની ચેઇન ચોરાઈ

સલાબતપુરા રાવણતાળ વિસ્તારમાં રહેતી 40 વર્ષીય યુવતી 23મી જાન્યુ.એ ચૌટા બજારમાં ખરીદી કરવા ગઈ ત્યારે ભીડ વધારે હતી. યુવતી ખરીદીમાં પડી હતી તે સમયે અજાણ્યા ચોરોએ યુવતીના ગળામાંથી 30 હજારની કિંમતની સોનાની ચેઇન તફડાવી લીધી હતી. યુવતીને મસાલાની દુકાન પર પહોંચી ત્યારે ગળામાંથી ચેઇન ગાયબ હોવાનો ખ્યાલ આવ્યો હતો. યુવતીએ જે જે દુકાનો પર ખરીદી કરવા ગઈ ત્યાં તપાસ કરી છતાં ચેઇન મળી ન હતી. યુવતીની સોનાની ચેઇન ચોરી થતા તે ગભરાય ગઈ હતી. બાદમાં યુવતીએ અઠવાલાઇન્સ પોલીસમાં ફરિયાદ આપી હતી. જેના આધારે પોલીસે ચોરીનો ગુનો નોંધી સીસીટીવી કેમેરાના આધારે તપાસ શરૂ કરી છે.