કોરોના અપડેટ:સુરત શહેર - જિલ્લામાં કોરોનાના વધુ 37 પોઝિટિવ કેસ, 24 સાજા થયા

શહેરમાં 35 અને જિલ્લામાં 2 કેસ સાથે શહેર જિલ્લામાં સોમવારે કોરોનાના વધુ 37 કેસ પોઝિટિવ નોંધાયા છે. આ સાથે શહેર જિલ્લામાં કોરોનાના પોઝિટિવ કેસની કુલ સંખ્યા 53 હજારને પાર કરી 53025 થઈ ગઈ છે. તેની સામે સોમવારે શહેરમાંથી 20 અને જિલ્લામાંથી 4 મળી 24 કોરોના પોઝિટિવ દર્દીઓ કોરોનાને માત આપી સાજા થતા તેમને રજા આપવામાં આવી છે.

આ સાથે શહેર જિલ્લામાં અત્યાર સુધીમાં 51582 કોરોના દર્દીઓ કોરોનાને માત આપી સાજા થઈ ચુક્યા છે. આ સાથે સોમવારે ફરીથી પોઝિટિવ કેસની સામે સાજા થનારા દર્દીઓની સંખ્યા ઓછી થતા એક્ટિવ કેસમાં વધારો થયો છે અને ફરીથી એક્ટિવ કેસ 300ની ઉપર પહોંચી 306 નોંધાયો છે.

એએસઆઈ, વિદ્યાર્થી, કાપડના વેપારી સંક્રમિત
સોમવારે શહેરમાં એએસઆઈ, વિદ્યાર્થી, કાપડના વેપારી સહિત 35 વ્યક્તિઓ સંક્રમિત થયા છે. જેમાં સાઉથ વેસ્ટ ઝોનમાં ગોડાદરા પોલીસના એએસઆઈ, કાપડના વેપારી, વેસ્ટ ઝોનમાં બ્રોકર, ઈસ્ટ ઝોનમાં વિદ્યાર્થી અને સેન્ટ્રલ ઝોનમાં મંદિરનાં પુજારી પોઝિટિવ થયા છે.