કોરોના મહામારી:બેંકોમાં સરવે કાર્યવાહીનો ધમધમાટ, બે મેનેજર સહિત વધુ ત્રણ પોઝિટિવ

કોરોના સંક્રમણને પગલે પાલિકાએ સુપરસ્પ્રેડર્સ બને તેવી શક્યતાવાળા ધંધાર્થી, સંસ્થાઓ અને ખાસ કરીને બેંકોમાં સરવે-ટેસ્ટિંગ કાર્યવાહી હાથ ધરી છે. તેમાં વધુ બે બેંકોના મેનેજર સહિત 3 પોઝિટિવ નોંધાયા છે.

પાલિકા તમામ ઝોનમાં બેંકોમાં અને એટીએમમાં સરવે કરી રહી છે અને એસઓપી પાલનમાં ક્ષતિ જણાંતા કડક કાર્યવાહી કરાઈ રહી છે. તેમાં બેંકને બંધ કરવા સુધીના પગલાં પણ મહાપાલિકાએ લીધા છે. ઉજ્જીવન અને બીઓબીને અગાઉ બંધ કરાવી દેવાઈ હતી. તો દંડનિય કાર્યવાહી પણ કરવામાં આવી રહી છે. પાલિકાના ચેકિંગમાં રાંદેર ઝોન વિસ્તારની સુરત પીપલ્સ કો.ઓ.બેંકના મનેજર તથા કતારગામની એસબીઆઈના મેનેજર પોઝિટિવ આવ્યાં છે. તો રાંદેર ઝોનની કોટક બેંકનો એક કર્મી પણ પોઝિટિવ નોંધાયો હતો.