પ્રચારનું કાર્પેટ બોમ્બાર્ડિંગ:ભાજપના 2 મુખ્યમંત્રી, 3 કેન્દ્રીય મંત્રી સહિતના 8 સ્ટાર પ્રચારકોએ 4 કલાકમાં 10 જાહેરસભા ગજવી, ઠેર-ઠેર ટ્રાફિક જામ પણ સર્જાયો

સુરતમાં ભાજપે શુક્રવારથી ચૂંટણી પ્રચારના શ્રીગણેશ કર્યા હતા. 4 કલાકમાં 2 મુખ્યમંત્રી, 3 કેન્દ્રીયમંત્રી સહિત 8 સ્ટાર પ્રચારકોએ 10 વિસ્તારોમાં ઉમેદવારોને જીતાડવા માટે જાહેર સભા ગજવી હતી. તમામ સભામાં સ્ટાર પ્રચારકોએ ભાજપની વિકાસ નીતિ, અનુશાષન, ધાર્મિક પર્યટન સ્થળોનો વિકાસ તેમજ સુરતીઓના મિજાજ-કામધંધાના ભરપેટ વખાણ કર્યા હતા. સ્ટાર પ્રચારકોએ ભાષણમાં પ્રધાનમંત્રી નરેન્દ્ર મોદીની ગુજરાતથી દિલ્હી સુધીની સફળતાઓ પણ ગણાવી હતી.