મુદ્દામાલ કબ્જે:પીપલોદમાં છાત્રના મોત બાદ 8 નબીરા સામે ગુનો, ડુમસ પોલીસે 2, ઉમરા પોલીસે 6 ગુના નોંધ્યા

પીપલોદમાં કારગીલ ચોક નજીક બુધવારે સાંજે વિદ્યાર્થીના મોતની ઘટના બાદ ટ્રાફિક પોલીસે ટીમો બનાવી એસ.કે.નગર, રાહુલ રાજ મોલ, પોલીસ હેડ કવાર્ટર અને જોલી પાર્ટી પ્લોટ પાસે વોચમાં ગોઠવાઈ ગયા હતા. નબીરાઓ મોડીરાતે મોંઘીદાટ બાઇક પર રેસ લગાવતા હતા. જેથી ટ્રાફિક પોલીસે 17 વર્ષના સગીર સહિત 8 ચાલકોની સામે ગુનો નોંધી ધરપકડ કરી 8 બાઇક કબજે કરી છે. જેમાં 2 ગુના ડુમસ પોલીસમાં અને 6 ગુનાઓ ઉમરા પોલીસમાં દાખલ કરવામાં આવ્યા હતા. મોટા ભાગની કબજે કરેલી બાઇક 1 લાખની કિંમતની છે.

8 ચાલકો સામે કાર્યવાહી