સ્પામાં સેક્સરેકેટ:1 મહિનામાં 21 ગુનામાં 55ની ધરપકડ કરાઇ

સુરત16 દિવસ પહેલા
  • કૉપી લિંક
  • 67 સામે ગુનો, 25 થાઇલેન્ડની યુવતીઓને મુક્ત કરાઇ
  • ઉમરામાં ​​​​​​​સૌથી વધુ દરોડા પાડી 22 આરોપીને પકડ્યા હતા

શહેર પોલીસે હવેથી સ્પાની આડમાં ચાલતા કુટણખાનાઓ બંધ કરાવવા માટે સ્પેશિયલ ડ્રાઇવ શરૂ કરી છે.જેમાં છેલ્લાં એક મહિનામાં પોલીસે 21 ગુનામાં કુલ 67 આરોપીઓ સામે ફરિયાદ દાખલ કરી હતી અને તેમાં 55 આરોપીઓની ધરપકડ કરી હતી. સાથે આવી પ્રવૃત્તિઓને ડામવા ે લોકો પણ સ્થાનીક પોલીસને જાણ કરી શકશે એટલું જ નહિ પીઆઈ, એસીપી કે ડીસીપીને જાણ કરી શકે છે. છતાં જો કાર્યવાહી ન કરાય તો પોલીસ કમિશનર કચેરી આવી શકે છે.

શહેર પોલીસે ખાસ કરીને પોશ વિસ્તારોના કોમ્પલેક્ષમાં ભાડેથી દુકાન કે ઓફિસમાં સ્પાની આડમાં ચાલતા સેક્સરેકેટ સામે લાલ આંખ કરી છે. પોલીસે છેલ્લા એક મહિનામાં 21 સ્પામાં રેડ કરી હતી. આ સ્પામાં વૈશ્યાવૃતિનો ધંધો ચાલતો હોવાનું તપાસમાં બહાર આવતા પોલીસે 21 ગુનાઓ દાખલ કર્યો હતા. જેમાં 67 આરોપી પૈકી 55ની ધરપકડ કરી લીધી છે. જયારે અન્ય 12 ભાગતા ફરે છે. મોટેભાગે સ્પામાં દેહવ્યાપારનો ધંધો વિદેશી યુવતીઓ પાસે કરાવવામાં આવતો હોય છે.

પોલીસે સ્પામાંથી પકડી પાડેલા સેક્સરેકેટમાં 25 થાઇલેન્ડની યુવતીને મુક્ત કરાઈ હતી ઉપરાંત 51 અલગ અલગ રાજ્યોમાંથી આવતી યુવતીઓને મુક્ત કરાઈ હતી. સૌથી વધારે સ્પાની રેડ ઉમરા પોલીસની હદમાં પાડવામાં આવી અને ત્યાંથી 22 આરોપીઓ પકડાયા હતા. જ્યારે ઉમરા પોલીસની હદમાં ચાલતા સ્પામાં 19 વિદેશી યુવતીઓ અને 18 યુવતીઓ ભારતીય મળી આવી હતી.

આગામી દિવસોમાં શહેર પોલીસ મહાનગર પાલિકા સાથે સંકલન કરીને સ્પાના ગુમાસ્તાધારા લાયસન્સની પણ ચકાસણી કરશે.જેથી સ્પાની આડમાં ચલાવાતા સેકસરેકટ પર લગામ લગાવી શકાય. એટલું જ નહીં પરંતુ જો સ્પામાં આવી પ્રવૃત્તિ સામે આવશે તો દુકાન કે જગ્યા ભાડે આપનાર માલિક સામે પણ પોલીસ કડક કાર્યવાહી કરશે.

વેશ્યાવૃત્તિ નાબુદ કરવા 4 મહિલા અધિકારીની નિમણૂક
સ્પામાં વેશ્યાવૃતિના ધંધાને નાબૂદ કરવા માટે સુરત પોલીસે 4 મહિલા પોલીસ અધિકારીઓની નિમણુંક કરી છે. જેમાં 2 ACP કક્ષાની અને 2 DBP કક્ષાની મહિલા અધિકારી રહેશે. સ્પામાં PI કક્ષાના ઓફિસર સ્ટાફ સાથે રેડ કરી શકશે. અગાઉ જ્યાં સેક્સરેકેટ પકડાયું હોય તે સ્પામાં ફરી ગેરકાયદે પ્રવૃતિ ચાલે છે કે કેમ તેના ખાસ નજર રખાશે. સ્પામાં પકડાયેલી વિદેશી યુવતીઓને ડિપોર્ટ કરવાની પ્રોસેસ કરાશે.

અન્ય સમાચારો પણ છે...