અંતિમ મતદાર યાદી:સુરતમાં 47 લાખ મતદાર,73 હજાર નવા ઉમેરાયા, કુલ 159 ટ્રાન્સજેન્ડર

સુરત2 મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • 18થી 19 વર્ષની વયજૂથમાં 36729 મતદાર, 21 હજારથી વધુ મહિલા મતદાર
  • ગુજરાત વિધાનસભા 2022ની ચૂંટણી પૂર્વે અંતિમ મતદાર યાદી જાહેર કરાઇ

આગામી ગુજરાત વિધાનસભા 2022ની ચૂંટણીને અનુલક્ષીને ભારતના ચૂંટણી પંચ દ્વારા રાજ્યમા હાથ ધરવામા આવેલા ખાસ મતદાર સંક્ષિપ્ત સુધારણા કાર્યક્રમ બાદ 10મી ઓકટોબર,2022ના રોજ આખરી મતદારયાદી પ્રસિધ્ધ કરવામાં આવી છે. જેમાં રાજ્યમાં કુલ 4,90,89, 665 મતદારો નોંધાયા છે. ચૂંટણી પંચ દ્વારા જાહેર કરવામાં આવેલી આ મતદારયાદી અનુસાર જિલ્લામાં 47,39,201 મતદારો નોંધાયા છે. જેમાં 159 જેટલા ટ્રાન્સજેન્ડર મતદારોનો પણ સમાવેશ થાય છે. કુલ મતદારોમાં 25,46,933 પુરૂષ અને 21,92,109 મહિલા મતદારો નોંધાયા છે.

કુલ 73205 જેટલા નવા મતદારો નોંધાયા છે જે પૈકી ફોર્મ નં.6 ભરીને 94554 મતદારો નોંધાયા છે જયારે ફોર્મ-7 અંતર્ગત 39783 મતદારો કમી કરવામાં આવ્યા છે. આગામી વિધાનસભાને ચૂંટણીને અનુલક્ષીને 12મી ઓગસ્ટ-2022થી 11મી સપ્ટેમ્બર-202 દરમ્યાન યોજાયેલા ખાસ મતદારયાદી સંક્ષિપ્ત સુધારણા કાર્યક્રમ દરમ્યાન મુખ્ય નિર્વાચન અધિકારીની કચેરી દ્વારા વ્યાપકણે મતદાર જાગૃતિના કાર્યક્રમો યોજીને વધુમાં વધુ નાગરિકો મતદાર તરીકે નામ નોંધાવે તે માટે ઝુંબેશ હાથ હાથ ધરવામાં આવી હતી. આખરી મતદારયાદીમાં સમાવેલી વિગતો પ્રમાણે જિલ્લામાં 18 થી19 વયના જુથમાં 36729 યુવા મતદારોએ નોંધણી કરાવી છે.

18 હજારથી વધુ માઇગ્રેટ મતદારો નોંધાયા
આમ કુલ ફોર્મ 8 હેઠળ 18000 થી વધુ માઈગ્રેટ હેઠળ મતદારો નોંધાયેલા છે.ફોર્મ-8 હેઠળ રહેઠાણ બદલાયા હોય, મતદારયાદીમાં નામો સુધારવા, નવા ફોટો ઓળખકાર્ડ માટે કુલ 1,08,897 ફોર્મ મળ્યા હતા. જેમાં પૈકી 100509 ફોર્મ મંજુર કરવામાં આવ્યા હતા.

અન્ય સમાચારો પણ છે...