કાર્યવાહી:ચાર કરોડનું MD ડ્રગ્સ મોકલનારા મુંબઈના પેડલર સહિત 4 પકડાયા

સુરત16 દિવસ પહેલા
  • કૉપી લિંક
  • કોસાડ આવાસ-પાંડેસરાના ડ્રગ્સ કેસમાં કાર્યવાહી

અમરોલીના કોસાડ આવાસ અને પાંડેસરામાં મળી 4 કરોડનું એમડી ડ્રગ્સ પકડાયું હતું. જેમાં ક્રાઇમબ્રાંચે મુંબઈના ખાતેથી પેડલર ફૈસલ અબ્દુલ ખાલીક મોમીન(31)(રહે, વસઈ,મુંબઈ), વાસીફ અબ્દુલ હમીદ ચૌધરી(34)(રહે,સનસિટી રેસીડન્સી,રાંદેર), સાગર કૈલાશચંદ્ર પાલ(27)(રહે,સુમન સાગર, વેસુ,મૂળ રહે,યુપી) અને અનિકેત પ્રકાશ શીંદે(28)(રહે, વલસાડ,મૂળ રહે,મુંબઈ)ની ધરપકડ કરી છે.

ક્રાઇમબ્રાંચે 3.50 લાખની રોકડ અને 6 મોબાઇલ 77 હજારની કિંમતના કબજે કર્યા છે. પોલીસે જણાવ્યું કે, વાસીફ અને ફૈસલ મોમીન બાળપણના મિત્રો છે. બંને એમડીનું વેચાણ કરતા હતા. અનિકેત અને ચંદન વાસીફના મિત્રો છે અને પહેલા ત્રણેય કેટરીંગનું કામ કરતા હતા. ચંદન અને અનિકેત એમડી વેચાણ કરવા માટે વાસીફનો સંપર્ક કરતા હતા. વાસીફ એમડીનો માલ ફૈસલ પાસેથી મંગાવી આપી સપ્લાય કરતા હતા.

અબ્બાસ,ચંદન પકડાયા હતા
બાતમીને આધારે 14મી નવેમ્બરે કોસાડ આવાસમાંથી 2.17 કરોડનું એમડી ડ્રગ્સ પકડી પાડી ડ્રગ્સ માફીયા મુબારક અબ્બાસ બાંદીયા પકડાયો હતો. મુબારકને એમડી ચંદન શર્મા આપતો હતો. આથી ચંદન શર્મા સુધી ક્રાઇમબ્રાંચ પહોંચી ગઈ હતી. ક્રાઇમબ્રાંચે 15મી તારીખે પાંડેસરા અપેક્ષાનગરમાં રહેતા ચંદન લક્ષ્મણ શર્માને પકડી પાડી તેના ઘરમાંથી વધુ 1.79 કરોડનું એમડી ડ્રગ્સ પકડી પાડ્યું હતું.

અન્ય સમાચારો પણ છે...