ટાકાટકી:ટીપી રોડ બંધ નહીં થાય, રહિશો સામે તંત્રની લાલ આંખ, ચીફ ઓફિસરે કાયદેસરનાં પગલાંની ચીમકી આપી

નવસારીના વોર્ડ નબર 11 માં સમાવિષ્ટ દશેરા ટેકરી વિસ્તારમાં પુષ્પક સોસાયટી થી દશેરા ટેકરી જવાના માર્ગ ઉપર સોસાયટીના રહીશો દ્વારા બે વાર રસ્તો ખોદીને ગેટ બનાવવાનો  પ્રયાસ કર્યો હતો.જો કે આ રસ્તો નગરપાલિકાનાં ટીપી નો રોડ હોય જેને કારણે માર્ગ બંધ ન કરાવાય જેને લઈને  સોમવારે પુષ્પક સોસાયટીના રહીશોએ ચીફ ઓફિસરને મળવા ગયા હતા. જેમાં રહીશોએ  રસ્તો બંધ કરાવવાની રજૂઆત કરી હતી.આ બાબતે સ્થાનિક નગરસેવક ધવલકીર્તિ એ પણ સરકાર દ્વારા જાહેર રોડ ઉપર ટ્રાફિકની સમસ્યા ન થાય તે માટે આંતરિક રસ્તા ખોલવામાં આવે છે જાહેરમાર્ગ હોય કોઈ પણ અવરોધ ન થાય તેમ પણ જણાવ્યું હતું.ઉપરાંત નવસારી ચીફ ઓફિસરે કાયદેસરનાં પગલાંની ચીમકી પણ આપી હતી.