કોરોના ઇફેક્ટ:નવસારીમાં 5 દિવસ બાદ કોરોનાનું સેમ્પલિંગ વધારાયું, ગુરુવારે ચકાસણી માટે 75 સેમ્પલ લેવાયા

સતત 5 દિવસ કોરોના વાઈરસ ચકાસણી માટે ખૂબ ઓછા સેમ્પલ લેવાયા બાદ ગુરુવારે વધારો કરી નવસારી જિલ્લામાં 75 સેમ્પલ લેવાયા હતા. છેલ્લા 5 દિવસ સેમ્પલિંગમાં ભારે ઘટાડો કરી દિવસમાં માત્ર 20થી 30 સેમ્પલો જ લેવાતા હતા. જોકે ગુરુવારે સેમ્પલની સંખ્યા વધારાઈ છે. ગુરુવારે નવસારી જિલ્લામાં 75 સેમ્પલો લેવામાં આવ્યા હતા.

તાલુકવાર જોઈએ તો નવસારીમાં 20, જલાલપોરમાં 21, ગણદેવીમાં 20, ચીખલીમાં 4, ખેરગામમાં 5 અને વાંસદામાં 5 સેમ્પલ લેવાયા હતા. અહીં ઉલ્લેખનીય છે કે જિલ્લામાં હાલ સુધીમાં 1928 સેમ્પલો લેવામાં આવ્યા છે, જેમાંથી 8 કેસ કોરોના પોઝિટિવ આવ્યા છે. હજુ 75 સેમ્પલના રિપોર્ટ પેન્ડિંગ છે.