લોકડાઉન 3.0:નવસારીમાં જૈન દેરાસરમાં હવેનાં તબક્કામાં દહેરાસર ખોલવા અને પૂજા માટે અપીલ કરતુ મંજૂરી માટે આવેદન

નવસારીમાં લોકડાઉનના પગલે જૈન દહેરાસરમાં પૂજા ન થતી હોય સમસ્ત જૈન સમાજ દ્વારા આવેદન આપી હવેનાં તબક્કામાં દહેરાસર ખોલવા અને પૂજા માટે અપીલ કરતુ આવેદન પત્ર આપ્યું હતું.સમસ્ત નવસારીનાં જૈન સંઘ દ્વારા આજે મંગળવારે મુખ્ય મંત્રીને ઉદેશી ને આપેલ આવેદન પત્ર દ્વારા જણાવાયું હતું કે વર્તમાન સમયમાં સમગ્ર જગત કોરોનાની મહામારી ના સંક્રમણથી બચવા માટે સઘન પ્રયત્નો કરી રહ્યા છે.જેમાં ધાર્મિક સ્થળો બંધ રાખવા જણાવાયું છે હવેના તબક્કામાં જૈન સમાજ નાં આસ્થાના અનુપમ સ્થાન જીન મદિર (જૈન દહેરાસર) ખોલવાની અને પૂજા કરવાની છુટ આપવામાં આવે.જૈન શાસ્ત્રનાં સિધાંત મુજબ પૂજા કરવા આવનાર મોઢે આઠ પડનાં મુખ કોશ (રૂમાલ- માસ્ક ) બાંધીને આવતા હોય છે .સરકારના જાહેરનામાં મુજબ મોઢેમાસ્ક ,સોશ્યલ ડીસટન્સની મર્યાદા ,સમયની મર્યાદા.સંખ્યાની મર્યાદા તેમજ જરૂરી નિયમો ને આધીન કોરોનાનું સંક્રમણ ન વધે તે માટે છૂટ આપવા જણાવ્યું હતું.અમારું માનવું છે કે પ્રભુના વંદન ,પૂજન દર્શન કરવાથી આધ્યાત્મિક શાંતિ પ્રાપ્ત થાય છે.અને કોરોના ને માત આપી શકાય એમ છે.