108ના કર્મચારીની કામગીરી:108 ટીમે બાળકને કૃત્રિમ શ્વાસ આપી જીવ બચાવ્યો

વાંકલ22 દિવસ પહેલા
  • કૉપી લિંક
  • સાપ કરડેલા બાળકને ડેડીયાપાડાથી બારડોલી લાવતા સમયે વાંકલ પાસે શ્વાસ બંધ થઇ ગયા હતા

ડેડીયાપાડા તાલુકાના ચિકદા ગામના આઠ વર્ષીય બાળકને સાપ કરડતા ગંભીર હાલતમાં સારવાર માટે બારડોલી ખાતે લઈ જવામાં આવી રહ્યો હતો ત્યારે ઝંખવાવ નજીક બાળકના શ્વાસ અને ધબકારા બંધ થઈ જતા વાકલ ગામની 108 એમ્બ્યુલન્સની ટીમે કૃત્રિમ શ્વાસ આપી જીવ બચાવ્યો હતો.

નર્મદા જિલ્લાના ડેડીયાપાડા તાલુકાના ચિકદા ગામના વિવાનભાઈ મુકેશભાઈ વસાવા ઉંમર 8 વર્ષ ને ઊંઘમાં સાપ કરડતાં નજીકની સરકારી હોસ્પિટલ ડેડીયાપાડા માં લઇ જવાયો હતો ત્યાં પ્રાથમિક સારવાર આપી વધુ સારવાર માટે બાળકને રિફર કરવામાં આવતા પ્રાઇવેટ વાહનમાં બારડોલી લઈ જતા હતા.

ત્યારે માંગરોળ તાલુકાના ઝંખવાવ ગામ નજીક બાળકની હાલત ગંભીર થતાં બાળકના સગા રાકેશભાઈએ 108માં કોલ કર્યો હતો. આ કોલ વાંકલની 108 એમ્બ્યુલન્સને મળ્યો હતો જેથી એમ્બ્યુલન્સના કર્મચારી E.M.T. અજય ચૌહાણ, પાઇલટ જીજ્ઞેશ ગામીત ઘટના સ્થળ પર જવા માટે નીકળી ગયા હતા.

ઘટના સ્થળ પર બાળકને તપાસતા બાળકના હૃદયના ધબકારા અને શ્વાસ મળતા ન હતા ત્યારે 108ના કર્મચારીઓએ સમય સૂચકતા સાથે બાળકને સી.પી. આર. અને બી.વી.એમ. દ્વારા કુત્રિમ શ્વાસ આપતા હોસ્પિટલ પહોંચતાની પહેલા બાળકના હૃદયના ધબકારા અને શ્વાસ ચાલુ થઇ ગયા હતા.

ઝંખવાવ રેફરલ હોસ્પિટલમાં લઇ ગયા હતા, ત્યાં ઈમરજન્સી ડોક્ટર દ્વારા પ્રાથમિક સારવાર આપી હતી પરંતુ બાળકની હાલત ગંભીર હોવાથી બાળકને સિવિલ હોસ્પિટલ સુરત રીફર કરવામાં આવ્યો હતો. 108 ના કર્મચારી દ્વારા બાળકને સિવિલ હોસ્પિટલમાં સલામત રીતે પહોંચાડવામાં આવ્યો હતો હાલ સારવાર બાદ બાળકની તબિયત સારી હોવાનું જાણવા મળી રહ્યું છે. 108ના કર્મચારીની સારી કામગીરીને પરિવારજનોએ બિરદાવી આભાર માન્યો હતો.

અન્ય સમાચારો પણ છે...