ગેરકાયદેસર:વડોદરા મુંબઈ હાઈવે પર માટી નાંખતી 5 ટ્રક પોલીસે કબજે લીધી

માંગરોળ તાલુકાના તરસાડીમાંથી હાલ વડોદરા, મુંબઈ એક્સપેસ હાઈવે પસાર થઈ રહ્યો હોય. જે માટે બનાવવાનું કામ હાલ પૂરજોશમાં ચાલી રહ્યું છે. તરસાડી નગર ભરવાડ વાસ પાંચ ફેક્ટરી પાસે એક્સપ્રેસ હાઈવેમાં માટી ભરવાનું કામ ચાલી રહ્યું હોય. આજરોજ બપોરે માંગરોળ મામલતદારની ટીમ બાતમી આધારે માટી પુરાણની જગ્યાએ આવી હતી. અને ત્યાંથી માટી લઈને આવેલા પાંચ હાઈવાને કબજે લઈ તેને માંગરોળ મામલતદાર કચેરીએ લઈ ગઈ હતી. આ માટી કાયદેસર છે કે ગેરકાયદે તે ચકાસવા માટે માટી કામ કરી રહેલા કોન્ટ્રાક્ટર અને ટ્રક માલિકોનો જરૂરી દસ્તાવેજ સાથે માંગરોળ મામલતદાર કચેરી ખાતે બોલાવ્યા છે. વધુ તપાસ કર્યા બાદ ટ્રક માલિકો સામે અને કોન્ટ્રાક્ટર સામે પગલાં ભરવામાં આવશે.