સુરત:કીમમાં વતન જવાની જીદ પર ચઢેલા પરપ્રાંતીયો સાથે પોલીસે બેઠક યોજી

લોકડાઉન વચ્ચે જિલ્લામાં પરપ્રાંતીય કામદારો વતન જવાની જીદ વચ્ચે કીમમાં મંગળવારના રોજ મોટી સંખ્યામાં પરપ્રાંતીય કામદારો બહાર નીકળી જતા જિલ્લા પોલિસનો કાફલો કીમમાં ઉતરી પડ્યો હતો.ત્યારે બુધવારના રોજ કીમ પોલીસે પરપ્રાંતીય આગેવાનોને મળી બેઠકમાં ચર્ચા કરી પોલીસ તેઓની પડખે છે.સાથે સાથે કાયદો વ્યવસ્થા જળવાઈ રહે તે વિશે પણ કડક સૂચન કર્યું હતું.કીમ પી.એસ.આઈ એચ.એન.આજરાએ તમામ પરિસ્થિતિમાં સહકાર આપવા સાથે વતન જવા અંગે રલવેતંત્ર તરફથી કે સરકાર તરફથી આવતી ગાઈડ લાઇન પ્રમાણે કામ કરવા વાત કરી હતી.