બેદરકાર તંત્ર:પણદામાં નહેર ઓવરફ્લો થતાં હજારો લીટર પાણીનો વેડફાટ

થોડા દિવસ પહેલા સિંચાઈ વિભાગ દ્વારા પાણીનું રોટેશન શરૂ કરવામાં આવ્યું છે. રોટેશન શરૂ થતા ખેડૂતોને રાહત થઈ છે. પરંતુ સિંચાઈ વિભાગના અધિકારીઓની બેદરકારીને કારણે ખરવાસા માઈનોર પણદા ગામની સીમમાં ઓવરફ્લો થઈ છે. બે દિવસથી પાણીનો હજારો લિટરનો વેડફાટ થઈ રહ્યો છે. કાકરાપાર ડાબાકાંઠા કેનાલનું રોટેશન બંધ રાખવામાં આવ્યું હતું. જે રોટેશન હાલ થોડા સમય પહેલા જ શરૂ થયું છે. નહેરમાં રોટેશન શરૂ થતા જ ખરવાસા માઈનોર પણદા ગામની સીમમાં ઓવરફ્લો થઈ રહી છે. બે દિવસથી નહેર ઓવરફ્લો થતાં હજારો લિટર પાણીનો વેડફાટ થઈ રહ્યો છે.

એક તરફ પાણીનો વેડફાટ ન અને છેવાડાના ખેડૂતને પૂરતું પાણી મળી રહે તે માટે સરકાર દ્વારા નહેરને પાકી બનાવી છે. પરંતુ ઓફિસમાં બેસવા ટેવાયેલા અધિકારીઓ સરકારને હેતુ સિદ્ધ કરવા દેતા નથી. નહેર શરૂ થાય તે પહેલા તેની વિઝીટ કરી નહેરમાં ઊભા થતાં અવોધને દૂર કરે એ જરૂર છે. ગત બે દિવસથી નહેર ઓવરફ્લો થઈ ને કોતરમાં કિંમતી પાણી વહી રહ્યું છે. છતાં પણ તેને દુરસ્ત કરવા માટે અધિકારી કે કર્મચારી ફરક્યા નથી. આખરે ખેડૂતે નહેર વિભાગનો ફોન પર જાણકારી આપી હતી.