લોકડાઉન:ચીખલી APMCમાં કેરી આવી, ગત વર્ષ કરતા મોડુ આગમન, કેસરના પ્રતિ મણના 660 થી 1100, લંગડાનો 1400નો ભાવ

કોરોના વાઈરસને લઈને લોકડાઉન વચ્ચે ચીખલી એપીએમસી  કેરીની આવકનો આ વર્ષે અખાત્રીજની જગ્યાએ મોડો પ્રારંભ થયો છે ત્યારે પ્રથમ દિવસે કેસર, લંગડો, દશેરી કેરીનું આગમન થયું હતું, જે ખરીદીમાં વેપારીઓએ રસ દાખવ્યો હતો. સરકાર દ્વારા આપવામાં આવેલી છૂટછાટ અને તકેદારી મુજબ આ વર્ષે પણ ચીખલી એપીએમસીમાં કેરીના આ વર્ષના ભાવો સાથે ખરીદી કરવામાં આવી હતી. જેમાં કેસર કેરીના પ્રતિ 20 કિલોના રૂ. 660થી 1100 સુધી ભાવ બોલાયા હતા. લંગડાના રૂ. 1400નો ભાવ બોલાયો હતો. દશેરી કેરીના એક નંબરના રૂ. 1050થી 2090, બે નંબરના રૂ. 500થી 950 અને ત્રણ નંબરના રૂ. 100થી 450ના ભાવ બોલાયા હતા. કોરોના વાઈરસની મહામારી વચ્ચે ખેડૂતો વેપારીઓના મતે  કેરીના પાકનું  ઉત્પાદન આ વર્ષે ઓછું છે ત્યારે  સિઝન કેટલો સમય ચાલશે અને ખેડૂતોને કેસર કેરીના કેવા ભાવ મળશે એ તો સમય જ બતાવશે.