કોરોના વોરિયર્સ:બારડોલીની કોવિડ-19 સેન્ટરમાં ફરજ બાદ ઘરે ફરતાં સ્વાગત કરાયુ, તેમના આંસુ સરી ગયા

બારડોલીની મહિલા લેબ ટેકનિકિશિયન સુરતની કોવિડ 19 સેન્ટરમાં 15 દિવસ ફરજ બજાવી પરત ઘરે ફરતાં સોસાયટીના રહીશોએ સ્વાગત કર્યુ હતું. તેન આનંદ પાર્ક સોસાયટીમાં રહેતા બિનાબહેન પટેલ  3 વર્ષથી કડોદ સીએચસીમાં લેબ ટેકનિશીયન તરીકે ફરજ બાજવે છે. મહામારીમાં કોવિડ 19 સેન્ટરમાં તેમને 15 દિવસની ડ્યુટી આપી હતી. આઈસોલેશન દર્દીના સેમ્પલ કોરોના પોઝિટિવ અને નેગેટિવ અંગેનો રિપોર્ટ કરવાનું કામ કરવાની જવાબદારી હતી. લેબ ટેકનિશિયન બિના પટેલના જણાવ્યા મુજબ વોર્ડમાં કોરોના પોઝિટિવ દર્દીઓની સંખ્યામાં વધી જતાં તેમના 3 સેમ્પલ લેવા લેબમાં આવતાં બીજાને સંક્રમણ થવાનો ભય હોવાથી પીપીઈ કિટ પહેરી એક માળથી બીજા માળ પર જાતે જઈ દર્દીના બેડ પર સેમ્પલ લઈ ચકાસણી કરતાં હતાં. કોરોનાથી ડરવાની જરૂર નથી. આપણી રીતે કાળજી રાખવાની જરૂર છે. સોસાયટીમાં આવતા મારુ સ્વાગત કરતાં જોઈ આંસુ  સરી ગયા હતાં.