ધરપકડ:દારૂની હેરાફેરીમાં વોન્ટેડ આરોપી કામરેજથી ઝબ્બે

સુરત જિલ્લા એલસીબીને બાતમી મળી હતી. સુરત શહેરના ડી.સી.બી પોલીસ સ્ટેશનમાં પ્રોહિબિશનના ગુનામાં નાસતો ફરતો આરોપી મોહમદ સાજીદ ઉર્ફે મંછો અબ્દુલ હમીદ શેખ (રહે, રામપુરા, સુરત શહેર) કે જે કામરેજ તાલુકાનાં નવાગામ ખાતે ઉદ્યોગનગર ઓવરબ્રિજ નજીક સર્વિસરોડ ઉપર ઊભો છે. અને જે ત્યાંથી કડોદરા તરફ જનાર છે. જે હકીકતના આધારે એલસીબી પોલીસે ઘટના સ્થળે પહોંચી મોહમદસાજીદ ઉર્ફે મંછાને દબોચી લીધો હતો. અને તેની પૂછતાછ કરી તેનો કબ્જો સુરત શહેર ડી.સી.બી પોલીસને સોંપવામાં આવ્યો હતો.