વિવાદ:એક્ટિવા શીખતી યુવતીએ યુવાનને સાઇડમાં‎ ચાલવા કહ્યું અને તોફાન થતાં માથા ફૂટ્યા

પલસાણાના કારેલી ગામે આવેલ એક ‎ ‎ રેસિડેન્ટ સોસાયટીમાં રહેતા બે પરિવારના ‎ ‎ સભ્યો વચ્ચે સામાન્ય બાબતમાં ઝગડો‎ થતા એક પરિવારે લાકડા અને ઈંટના‎ ટુકડા લઈ બીજા પરિવાર પર તૂટી પડતા ‎ ‎ ફરિયાદી પરિવારના તમામ સભ્યોને‎ ગંભીર ઈજાઓ થતા સારવાર હેઠળ ‎ ‎ ખસેડવામાં આવ્યા ઇજા ગ્રસ્ત પરિવારના ‎ ‎ મોભીએ 4 વિરુદ્ધ ફરિયાદ નોંધાવી હતી.‎ ગત 9 જૂનના ગુરુવારે મોડી રાતે 10 ‎ ‎ વાગ્યાના અરસામાં સોસાયટીમાં રહેતા‎ નાગેન્દ્રસિંગ સમરબહાદુરસિંગની છોકરી‎ ખુશી એક્ટિવા શીખી રહી હતી.

જે‎ દરમિયાન એક્ટિવા ચલાવતા ચલાવતા‎ ખુશી પોતાની ગલીમાંથી બહાર નીકળી‎ ‎ બાજુમાં ગલીમાં રહેતા દિનેશસિંગ‎ કુશ્વાહાના ઘર નજીક આવી પહોંચી હતી.‎ જે દરમિયાન દીનેશસિંગનો પુત્ર‎ સૂરજસિંગ કુશ્વાહા સોસાયટીના રસ્તા પર‎ ઘર નજીક ઉભો હતો જેને ખુશીએ‎ ‎સાઈડમાં ચાલવા કહી જાણી જોઈને ઝઘડો‎ કરવાનું શરૂ કર્યું હતું. જે બાદ ખુશી‎ પોતાના ઘરે જતા ખુશીના પિતા‎ નાગેન્દ્રસિંગ તેમજ પડોસી બલમુકુંદ સિંગ‎ તેની પત્ની વંદના તેમજ દીકરો આનંદ આ‎ ચારેય હાથમાં લાકડી અને ઈટનાં ટુકડા‎ લઈ દોડી આવી //"મારી દીકરી ખુશી સાથે‎ કેમ ઝગડો કરો છો //"એમ કહી‎ દિનેશસિંગના પરિવાર પર તૂટી પડ્યા‎ હતા.

જેમાં દિનેશસિંગની પત્ની‎ કિરણદેવીને ચહેરાના ભાગે ઈંટ મારતા‎ ગંભીર ઈજાઓ પહોંચી હતી. તેમજ ડાબા‎ હાથમાં લાકડાનો સપાટો માર્યો હતો,‎ અને સૂરજસિંગને માથાના ભાગે‎ લાકડાનો સપાટો મારતા ગંભીર ઈજાઓ‎ થઈ હતી. તો દિનેશસિંગ નાઓને પણ‎ માથાના ભાગે તેમજ પગના ભાગે ગંભીર‎ ઈજાઓ થઈ હતી. તેમજ દિનેશસિંગની‎ પુત્રી રોશની સિંગને પણ બને હાથે ગંભીર‎ ઇજોઓ થઈ હતી.

હુમલો કરનાર આ‎ ચારેય દિનેશસિંગના પરિવારને હવે બચી‎ ગયા છે બીજી વાર જાનથી મારી નાખીશું‎ એવી ધમકી આપી ભાગી છૂટ્યા હતા‎ સોસાયટીના લોકોએ તમામને છોડાવી‎ 108 મારફતે દિનેશસિંગના પરિવારને‎ સુરત સિવિલ હોસ્પિટલમાં ખસેડયા હતા.‎

ઘટના અંગે દિનેશસિંગ કુશ્વાહાએ‎ નાગેન્દ્રસિંગ તેમજ પડોસી બલમુકુંદ સિંગ‎ તેની પત્ની વંદના તેમજ દીકરો‎ આનંદસિંગ એમ ચાર વિરુદ્ધ પલસાણા‎ પોલીસ મથકમાં ફરિયાદ નોંધાવી હતી.‎ ઘટના અંગે પલસાણા પોલીસના‎ એ.એસ.આઈ.મેરુભાઈ રબારી તપાસ‎ કરી નાગેન્દ્ર સિંગ તેમજ બાલમુકુંદની‎ અટકાયત કરી વધુ તપાસ હાથ ધરી છે.‎ પોલીસના જણાવ્યા અનુસાર ભૂતકાળમાં‎ પણ આ બંને પરિવાર વચ્ચે સામાન્ય‎ બાબતોમાં તોફાનો થતા રહ્યા છે. આ‎ વખતે મોટું તોફાન થતા માથા ફૂટ્યા હતા.‎

‎