કોરોનાનો કહેર:સંક્રમણથી રિકવરી 1 ડગલું આગળ નવા 28 કેસની સામે 29 સાજા થયા, સોમવારે સૌથી વધુ 11 કેસ પલસાણા તાલુકામાં નોંધાયા

સુરત જિલ્લામાં છેલ્લા 24 કલાકમાં કોરોના પોઝિટિવ 28 કેસ નોંધાયા હતાં. જેની સામે 29 લોકો સાજા થતાં ઘરે પહોંચ્યા હતાં. જ્યારે આજરોજ એક પણ દર્દીનું કોરોનાને કારણે મોત નીપજ્યું ન હતું. આમ લાંબા સમયથી કેસમાં ઘટડાની સાથે મોત પર પણ બ્રેક લાગતા તંત્રની સાથે સાથે લોકોેએ પણ રાહત અનુભવી છે.

જિલ્લા આરોગ્ય વિભાગ પાસે મળતી માહિતી અનુસાર સુરત જિલ્લામાં સોમવારના રોજ 28 કોરોના પોઝિટિવ કેસ નોંધાયા હતાં. જેની સાથે 12416 લોકો કોરોના સંક્રમીત થઈ ચૂક્યા છે. જ્યારે 29 લોકોએ કોરોનાને માત આપી છે. જેની સાથે આજદિન સુધીમાં કુલ 11807 લોકો કોરોનાથી રિકવર થઈ ચૂક્યા છે. આજરોજ જિલ્લામાં એક પણ દર્દીનું કોરોનાને કારણે મોત નીપજ્યું ન હતું. કોરોના સંક્રમણ ધીમુ થયું છે, પૂર્ણ થયું નથી માટે હાલ માક્સને વેક્સીન તરીકે ઉપયોગ કરવો જરૂરી છે.

સોમવારે નોંધાયેલા દર્દી