કોરોના મહામારી:સુરત ગ્રામ્યમાં કોરોના 200 કેસથી માત્ર 2 જ ડગલા દુર

સુરત જિલ્લામાં કોરોનાએ બુહામણું સ્વરૂપ ધારણ કર્યું છે. કોરોના અત્યાર સુધીની સર્વોચ્ચ આંક પર પહોંચ્યો છે. બુધવારના રોજ 198 પોઝિટિવ કેસ નોંધાયા છે. જિલ્લામાં વધતા જતા કેસને કારણે જિલ્લાવાસીઓ ભય અનુભવી રહ્યાં છે. તંત્ર કોરોનાને કાબૂ કરવામાં નિષ્ફળ નિવડ્યું હોવાનું પ્રતિત થઈ રહ્યું છે.

બુધવારના રોજ છેલ્લા 24 કલાકમાં કોરોના અત્યાર સુધીમાં સૌથી વધું પોઝિટિવ આંકડો નોંધાયો્ છે. જિલ્લામાં 198 કોરોના પોઝિટિવ કેસ નોંધાતા કોરોનાએ નવી સિદ્ધિ હાંસલ કરી છે. જિલ્લામાં કોરોના 16000ને પાર થઈ ગયો છે. અત્યાર સુધીમાં કુલ 16169 લોકો સંક્રમીત થઈ ચૂક્યા છે. જ્યારે કોરોનાની મહામારીને કારણે આજરોજ બારડોલી તાલુકાની 56 વર્ષીય મહિલા અને કામરેજની 67 વર્ષિય મહિલાનું મોત નીપજ્યું હતું. જેની સાથે જિલ્લાનો મરણાંક 290 પર પહોંચ્યો છે. જ્યારે આજરોજ 73 લોકોએ કોરોનાન હરાવતાં અત્યાર સુધીમાં 14358 લોકોએ કોરોના પર વિજય મેળવ્યો છે.

બુધવારે નોંધાયેલા કેસ