કોરોના મહામારી:સુરત જિલ્લામાં એક્ટિવ કેસ ઘટીને 100ની અંદર આવ્યા

સુરત જિલ્લામાં કોરોના વેક્સિનેશનનો બીજો તબક્કો ચાલી રહ્યો છે. ત્યારે કોરોના કેસોમાં પણ સતત ઘટાડો નોંધાઈ રહ્યો છે. જિલ્લામાં રવિવારના રોજ જિલ્લામાં માત્ર 2 કોરોના દર્દીઓ નોંધાતા આરોગ્ય વિભાગે રાહત અનુભવી છે. કુલ કોરોના સંક્રમિતનો આંક 13031 થયો છે તો 7 દર્દીઓ સાજા થતાં જિલ્લામાં કુલ 12645 દર્દીઓ સાજા થયા છે.

જિલ્લા આરોગ્યવિભાગના જણાવ્યા મુજબ જિલ્લામાં હાલ 99 દર્દીઓ સારવાર હેઠળ રાખવામા આવ્યા છે તો છેલ્લા 24 કલાકમાં જિલ્લામાં કોરોનાથી એક પણ દર્દીનુ મોત થયું નથી રવિવારના રોજ જિલ્લાના ચોર્યાસી તાલુકામાં 1 અને કામરેજ તાલુકામાં 1 મળી કુલ 2 દર્દીઓ નોંધાયા છે.