દંભ:બારડોલી તાલુકા પંચાયતમાં સેનેટાઈઝ ટર્નલ મૂકી પદાધિકારીએ માત્ર દેખાડો કર્યો

કોરોના વાયરસના સંક્રમણને અટકાવવા સરકારી કચેરીઓ તેમજ જાહેર જગ્યાઓ પર લોકોને સેનેટાઈઝ કરવા માટે સેનેટાઈઝ ટર્નલ મૂકવામાં આવી રહી છે. ત્યારે બારડોલી તાલુકા પંચાયતમાં મૂકેલી સેનેટાઈઝ ટર્નલ ગણત્રીના દિવસોમાં જ હટાવી લેવાઇ છે. બારડોલી તાલુકા પંચાયતમાં પ્રવેશ દ્વાર પર રખાયેલી સેનેટાઈઝ ટર્નલ માત્ર દેખાડા પૂરતી જ હોવાનું પુરવાર થઇ છે. હાલ તાલુકા પંચાયત પ્રવેશ દ્વાર પર કચેરીમાં આવતા લોકોના હાથ સેનેટાઈઝ કરવા માટે પણ કોઈ સેનેટાઈઝરની વ્યવસ્થા કરવામાં આવી નથી. અને સેનેટાઇઝ ટનલ પણ હટાવી લેવાય છે. સુરત જિલ્લા વિકાસ અધિકારીની સેનેટાઈઝ ટર્નલ હટાવવા સૂચના હતી તેમ તાલુકા પંચાયત ઉપપ્રમુખ દેવુભાઈ ચૌધરીએ જણાવ્યું હતુ.