ફરિયાદ:બારડોલીમાં પરિણીતાને ત્રાસ આપતા પતિ વિરૂદ્ધ ફરિયાદ

બારડોલી11 દિવસ પહેલા
  • કૉપી લિંક
  • દહેજ માંંગવાની સાથે પત્નીના ચરિત્ર પર પણ શંકા રાખતો હતો

બારડોલી નગરના ગાંધી રોડ નજીક રહેતી અને બારડોલીના જ સેઠ ફળિયામાં લગ્ન કરેલ પરણીતાને પતિ દ્વારા અવાર નવાર માનશિક તેમજ શારીરિક ત્રાસ અપાતો હતો તેમજ પરણીતા પાસે દહેજની પણ માંગ કરાતા પરણીતાએ આખરે બારડોલી પોલીસમાં પતિ વિરુદ્ધ ફરિયાદ નોંધાવી છે.

પોલીસના જણાવ્યા મુજબ બારડોલીના ગાંધી રોડ પર આવેલ રાહત કોમ્પ્લેક્ષમાં રહેતી શબનમબેન મહેબૂબખાન ના લગ્ન 2018 માં બારડોલીના શેઠ ફળિયાના ટેકરા વિસ્તારમાં રહેતા મિનહાજ મુસ્તાક અમીજી સાથે થયા હતા લગ્નના થોડા દિવસો બાદ જ મિનહાજે પત્ની શબનમ સાથે લગ્નમાં દહેજ ઓછું લાવી હોવાનું જણાવી ઝગડાઓ શરૂ કરી દીધા હતા. સાથે જ તું મને ગમતી જ નથી અને પાછી દહેજમાં પણ કઈ લાવી નથી એટલે મારા કોઈ કામની પણ નથી એમ કહી માર ઝૂડ કરતો હતો.

તેમજ અન્ય પુરુષો સાથે વહેમ રાખી મિનહાજ શબનમને હેરાન કરતો હતો તેમજ વિદેશ જવા માટે પણ શબનમ ને માર ઝૂડ કરી પિયરથી રૂપિયા મંગાવ્યા હતા અને વિદેશથી પણ ચારિત્ર પર શંકા રાખી અવાર નવાર વિડીયો કોલ કરતો હતો બાદ વિદેશથી આવ્યા બાદ પણ મિનહાજ શબનમ સાથે ઝગડાઓ કરતો અને દહેજ માંગવા માટે દબાણ કરતો હતો અને આ બાબતે શબનમને તેના સાસુ પણ સાંભડાવતા હતા આખરે કંટાડી શબનમે પતિ મિનહાજ વિરુદ્ધ બારડોલી પોલીસમાં ફરિયાદ આપતા પોલીસે ગુનો નોંધી આગળની તપાસ હાથ ધરી છે.

અન્ય સમાચારો પણ છે...