ફરિયાદ:ભાડા બાબતે થયેલા ઝઘડામાં રિક્ષાચાલકે મહિલાને માર માર્યો

પલસાણા22 દિવસ પહેલા
  • કૉપી લિંક
  • પલસાણા તાલુકાના કારેલી ગામમાં બનેલી ઘટના
  • રિક્ષાચાલકે અગાઉ પણ મહિલા સાથે બબાલ કરી હતી

પલસાણાના કારેલી ખાતે રહેતી મહિલા નોકરીએ જતી હતી તે વળેલા સોસાયટીના ગેટ પર ઓળખીતો રીક્ષા ચાલક મળ્યો હતો, અને મહિલાને રિક્ષામાં બેસવા જણાવ્યું જે દરમિયાન રીક્ષા ચાલક અને મહિલા વચ્ચે બોલાચાલી થઈ હતી. રીક્ષા ચાલકે જૂની અદાવત રાખી રિક્ષામાં રહેલા રહેલા લાકડાના ફટકા વડે મહિલા પર હુમલો કરતા મહિલાએ પોલીસ ફરિયાદ કરી હતી.ઘટના અંગે મળતી માહિતી અનુસાર સુરત જિલ્લાના પલસાણા તાલુકાના કારેલી ગામે રાધિકા રેસિડેન્સીમાં 203 નંબર ના મકાનમાં રહેતી શ્યામદેહિ છોટેલાલ બિંદ નાઓ જોળવા ખાતેની કેજરીવાલ મિલમાં નોકરી કરી પોતાનું ગુજરાન ચલાવે છે.

ગત રવિવારના રોજ વહેલી સવારે મહિલા સવારે નોકરીએ જવા નીકળી હતી. ત્યારે સોસાયટીના નાકે અજયકુમાર લાલબહાદુર યાદવ પોતાની રીક્ષા સાથે મળી આવ્યો હતો. જેણે મહિલાને રિક્ષામાં બેસવાનું પૂછ્યો તો મહિલાએ ભાડા અંગે વાત કરી તો બન્ને વચ્ચે ઝઘડો થયો હતો.અજયકુમારનો અગાઉ પણ મહિલા સાથે રકઝક થઈ હતી. જેની જૂની અદાવતમાં અજયકુમારે ઉશ્કેરાટમાં આવી રિક્ષામાં રહેલા લાકડા વડે મહિલાને ડાબા હાથે ફટકો મારી ઇજા પહોંચાડી હતી જ્યાં અન્ય ઈસમ આવી જતાં બન્ને ને છોડાવ્યા હતા ઘટના અંગે મહિલાએ રીક્ષા ચાલક અજય યાદવ વિરુદ્ધ પલસાણા પોલીસ મથકમાં ફરિયાદ આપી હતી.

અન્ય સમાચારો પણ છે...