ધરપકડ:ATM કાર્ડ બદલી નાણા સેરવતા ચિટર પાસે 28 નકલી કાર્ડ મળ્યા

કડોદરા ખાતે રહેતા પરપ્રાંતીય યુવાન પોતાના ખાતા માંથી ATM દ્વારા રૂપિયા ઉપાડવા ગયો ત્યારે તેની પાછળ ઉભેલા ચિતરે મદદના બહાને ATM કાર્ડ બદલી પિન જાણી રૂપિયા ઉપાડી લીધા હતા ઘટના અંગે કડોદરા પોલીસે તપાસ દરમિયાન એકને દબોચી મુદ્દામાલ રકવર કરવામાં આવ્યો હતો.

કડોદરામાં રહેતા અને વરેલી ખાતે સુભાસ મિલમાં નોકરી કરતો બિમલેશ ગીરાની શાહ ગત 28 ડિસેમ્બરના રોજ મોડી સાંજે રૂપિયાની જરૂરી હોવાથી ATM કાર્ડ દ્વારા શાંતિ નગરમાં આવેલ એક્સીસ બેન્કના ATM મશીનમાં રૂપિયા ઉપાડવા ગયો હતો, જે દરમિયાન પાછળ ઉભેલા યુવાને મદદ બહાને કારીગરનો ફીનો બેંકનો ATM કાર્ડ બદલી તેના જેવો જ ATM કાર્ડ પકડાવી દીધો હતો અને ATM પિન જાણી લીધો હતો.

ખાતામાંથી 2000 ઉપાડી લીધા હતા ઘટના અંગે બિમલેશે કડોદરા પોલીસ મથકમાં ગુનો નોંધાવ્યો હતો કડોદરા પોલીસે ATM રૂમમાં CCTV ફૂટેજ મેળવી તપાસ હાથધરી હતી કડોદરા પોલીસ ના પો.કો.વિક્રમભાઈ ખડુંભાઈ તેમજ પો.કો.રમેશભાઈ કાળુભાઇ નાઓને સયુંકત રાહે મળેલી બાતમી આધારે ગુડુ દાલચંદ ઠાકોર (ઉ.વ.28,સુવર્ણ સોસાયટી બિલ્ડીંગ નંબર D /1 માં 101 સર્વોત્તમ હોટલની પાછળ બગુમરા)નાઓની અટકયાત કરી તેની પાસેથી 28 જેટલા ડુપ્લીકેટ ATM કાર્ડ કબ્જે કર્યા હતા પોલીસ પૂછપરછમાં ગુડુ ઠાકરે ગુનાની કબૂલાત કરી હતી.